នាយករដ្ឋ មន្ត្រីវៀតណាមលោក ហ្វាម មិញជីញ ទទួលជួបឯកអគ្គរដ្ឋទូតអូស្ត្រាលីប្រចាំនៅ វៀតណាម លោកស្រី Gillian Bird។ (រូបថត៖ VNA)
នៅក្នុងជំនួបនេះ លោកនាយករដ្ឋមន្ត្រី ហ្វាម មិញជីញ បានស្នើឱ្យលោកស្រីឯកអគ្គរដ្ឋទូត Gillian Bird សម្របសម្រួលជាមួយក្រសួង និងផ្នែកនៃភាគីទាំងពីរ ដើម្បីអនុវត្តន៍ប្រកបដោយប្រសិទ្ធភាពនូវកិច្ចព្រមព្រៀងរវាងប្រទេសទាំងពីរ; ពង្រឹង ទំនាក់ទំនងនយោបាយតាមរយៈការផ្លាស់ប្តូរ ការជួបប្រាស្រ័យជាន់ខ្ពស់ និងគ្រប់ជាន់ ថ្នាក់ រក្សាប្រកបដោយប្រសិទ្ធភាពនូវយន្តការសហប្រតិបត្តិការទ្វេភាគី; ពង្រឹងទំនុក ចិត្តនយោបាយ និងកិច្ចសហប្រតិបត្តិការដោយស្មោះស្ម័គ្រ រវាងប្រទេសទាំងពីរ; ជំរុញ កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ព្រមទាំងខិតខំនាំទំហំ ពាណិជ្ជកម្មទ្វេភាគីឡើងដល់ ២០ ពាន់លានដុល្លារអាមេរិកផងដែរ។ លោកនាយក រដ្ឋមន្ត្រីបានសង្កត់ធ្ងន់ថា វៀតណាម និងអូស្ត្រាលីគឺជាប្រទេសពីរដែលមានសេដ្ឋកិច្ច បំពេញបន្ថែមឲ្យគ្នាទៅវិញទៅមកលើផ្នែកទីផ្សារ កម្លាំងពលកម្ម និងធនធាន ហើយ មានសក្ដានុពលសហប្រតិបត្តិការដ៏ធំធេង ដែលចាំបាច់ត្រូវធ្វើអាជីវកម្មបន្ថែមទៀត។ លោកនាយករដ្ឋមន្ត្រីក៏បានស្នើឱ្យអូស្ត្រាលីបន្តផ្តល់អាហារូបករណ៍ និងបង្កើត លក្ខខណ្ឌអំណោយផលសម្រាប់និស្សិតវៀតណាមទៅសិក្សានៅអូស្ត្រាលី; ភាគី ទាំងពីរបន្តជំរុញកិច្ចសហប្រតិបត្តិការបណ្តុះបណ្តាល នាំសាកលវិទ្យាល័យ RMIT ក្លាយជាគម្រោងសហប្រតិបត្តិការគំរូក្នុងវិស័យអប់រំវាងប្រទេសទាំងពីរ។ រីឯខ្លួនវិញ លោកស្រីឯកអគ្គរដ្ឋទូត Gillian Bird បានវាយតំលៃខ្ពស់ចំពោះការ ប្តេជ្ញាចិត្តរបស់រដ្ឋាភិបាលវៀតណាមក្នុងការអនុវត្តការទម្លុះទម្លាយផ្នែកស្ថាប័ន និង ច្បាប់; អះអាងថា អូស្ត្រាលីនិយាយរួម និងឯកអគ្គរដ្ឋទូតខ្លួនឯង និយាយដោយឡែក មានការគាំទ្រយ៉ាងខ្លាំង ក៏ដូចជាមានបំណងចង់រួមដំណើរជាមួយបុព្វហេតុកំណែ ទម្រង់របស់វៀតណាមនាពេលខាងមុខ៕
