កាលពីថ្ងៃទី ៤ ខែមករា នៅឃុំចំនួន ២ គឺ Thanh Tay និង Thanh Binh (ស្រុក Tan Bien) សម្ព័ន្ធយុវជនខេត្ត Tay Ninh បានសម្របសម្រួលជាមួយសហភាពយុវជនវៀតណាមរបស់ខេត្ត រៀបចំកម្មវិធី "រដូវរងាស្ម័គ្រចិត្ត" ឆ្នាំ ២០២៤ និង "និទាឃរដូវស្ម័គ្រចិត្ត" ឆ្នាំ ២០២៥។
កម្មវិធីនេះរួមមានសកម្មភាពដ៏មានអត្ថន័យជាច្រើនដូចជា៖ ការប្រគល់មូលនិធិអាហារូបករណ៍ដល់កុមារក្រីក្រ; បើកការដ្ឋានសាងសង់ផ្ទះមេត្តាធម៌សជូនគ្រួសារដែលមានស្ថានភាពលំបាក; ជូនអំណោយដល់គ្រួសារគោលនយោបាយ វីរអ្នកម្ដាយវៀតណាម; ជូនអំណោយបុណ្យតេតដល់កងកម្លាំងការពារសន្តិសុខសណ្តាប់ធ្នាប់មូលដ្ឋាន គ្រួសារក្រីក្រ និងកុមារដែលមានស្ថានភាពលំបាក។ ល។
យុទ្ធនាការ "និទាឃរដូវស្ម័គ្រចិត្ត" ឆ្នាំ ២០២៥ មានបំណងរួមចំណែកក្នុងការអប់រំប្រពៃណី "ផឹកទឹក នឹកដល់ប្រភពដើម" "ស្លឹកល្អគ្របស្លឹករហែក" សម្រាប់យុវជន និស្សិតសិស្សានុសិស្ស លើកកម្ពស់ភាពស្អិតរមួតក្នុងសហគមន៍ ពង្រីកអំពើល្អ របៀបរស់នៅអរិយធម៌ ការចែករំលែក និងការថែទាំដល់ប្រជាពលរដ្ឋដែលមានស្ថានភាពលំបាកនៅតាមព្រំដែន ក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំ២០២៥៕
