នាថ្ងៃទី ២ ឧសភា ព្រះសារីរិកធាតុរបស់ព្រះពុទ្ធបានធ្វើដំណើរតាមជើងហោះហើរពិសេសដែលរៀបចំដោយរដ្ឋាភិបាលឥណ្ឌាមកកាន់ទីក្រុងហូជីមិញ ដោយអមដំណើរមន្ត្រី និងគណៈប្រតិភូឥណ្ឌា មកចូលរួមមហាពិធីវិសាខបូជាឆ្នាំ ២០២៥។ ក្នុងរយៈពេល ២០ ថ្ងៃនៅប្រទេសវៀតណាម (ចាប់ពីថ្ងៃទី ២-២១ ឧសភា) ព្រះសារីរិកធាតុរបស់ព្រះពុទ្ធនឹងត្រូវបានដង្ហែឆ្លងកាត់ខេត្ត-ក្រុងចំនួន ៤ គឺ ទីក្រុងហូជីមិញ ខេត្ត តៃនិញ ទីក្រុងហាណូយ និងខេត្ត ហាណាម ដើម្បីឲ្យប្រជាជនវៀតណាមនិងគណៈប្រតិភូដែលចូលរួមមហាពិធីវិសាខបូជា ២០២៥ អាចគយគន់។ លោកបណ្ឌិត Abhijit Halder អគ្គនាយកសហព័ន្ធពុទ្ធសាសនាអន្តរជាតិ បានឲ្យដឹងថា៖

“ព្រះសារីរិកធាតុរបស់ព្រះពុទ្ធមានអត្ថន័យជានិមិត្តរូប ដែលត្រូវបានចាត់ទុកថាជាតំណាងរបស់ព្រះពុទ្ធ។ រដ្ឋាភិបាលឥណ្ឌាមានការយកចិត្តទុកដាក់យ៉ាងខ្លាំង ចាត់វិធានការជាច្រើនក្នុងការថែរក្សា និងរៀបចំផែនការលម្អិតជាច្រើន មុនពេលនាំព្រះសារីរិកធាតុទៅដាក់តាំងបង្ហាញនៅក្រៅប្រទេស។ ខ្ញុំគិតថា នេះជាឱកាសពិសេសសម្រាប់ប្រជាជនវៀតណាម ដើម្បីអាចគយគន់ និងបូជាព្រះសារីរិកធាតុរបស់ព្រះពុទ្ធ ដូចជាព្រះអង្គនៅមានព្រះជន្ម និងបានមកដល់ប្រទេសវៀតណាមក្នុងឱកាសមហាពិធីវិសាខបូជាអង្គការសហប្រជាជាតិ”៕