ព្រឹត្តិការណ៍នេះប្រព្រឹត្តទៅចាប់ពីថ្ងៃទី ២៩ ខែវិច្ឆិកាដល់ថ្ងៃទី ២ ខែធ្នូ ឆ្នាំ ២០២៤ រួមទាំងសកម្មភាពតភ្ជាប់ពាណិជ្ជកម្មនៃអាជីវកម្ម ការតាំងពិព័រណ៍ផលិតផលប្រចាំខេត្ត/ក្រុង; កម្មវិធីវប្បធម៌ សិល្បៈនិងកីឡា; រៀបចំកន្លែងតាំងបង្ហាញ និងណែនាំផលិតផលពិសេស និងផលិតផល OCOP (កម្មវិធីឃំមួយផលិតផលមួយ); ណែនាំផលិតផលទេសចរណ៍ដល់ប្រជាជននិងភ្ញៀវទេសចរ។
លោក Nguyen Thuc Hien អនុប្រធានគណៈកម្មាធិការប្រជាជនទីក្រុង Can Tho បានឲ្យដឹងថា៖ “សប្តាហ៍ទេសចរណ៍-ពាណិជ្ជកម្មទីក្រុងហូជីមិញ និងតំបន់ដីសណ្តទន្លេ Cuu Long គឺជាសកម្មភាពសំខាន់មួយក្នុងឆ្នាំ ២០២៤។ តាមនោះ រួមចំណែកទាក់ទាញការវិនិយោគ អភិវឌ្ឍន៍ទេសចរណ៍ ពាណិជ្ជកម្ម និងសេវាកម្មនៃប្រទេសទាំងនេះ ជំរុញទេសចរណ៍ - ខ្សែសង្វាក់តម្លៃពាណិជ្ជកម្មរវាងទីក្រុងហូជីមិញ និងខេត្ត/ក្រុងចំនួន ១៣ នៅតំបន់ដីសណ្ដទន្លេ Cuu Long កាន់តែមាននិរន្តរភាពនិងមានប្រសិទ្ធភាព”។
នៅក្នុងពិធីបើក ប្រជាជនក្នុងតំបន់និងអ្នកទស្សនាអាចរីករាយជាមួយកម្មវិធីសិល្បៈពិសេសផងដែរ៕
