ដោយប្រព្រឹត្តទៅមុនសម័យប្រជុំលើកទី ៤២ នៃមហាសន្និបាត UNESCO ព្រឹត្តិការណ៍នេះបានទាក់ទាញការចូលរួមរបស់ឯកអគ្គរដ្ឋទូត តំណាងប្រទេសជាសមាជិក និងថ្នាក់ដឹកនាំ UNESCO ជិត ២០០ នាក់។ ថ្លែងនៅពិធីបើក អនុរដ្ឋមន្ត្រីការបរទេសវៀតណាម លោក Ha Kim Ngoc បានសង្កត់ធ្ងន់ថា ព្រឹត្តិការណ៍នេះជាឱកាសដើម្បីវៀតណាម និង UNESCO ជំរុញតួនាទីនៃបេតិកភ័ណ្ឌ វប្បធម៌ ដើម្បីការអភិវឌ្ឍប្រកបដោយភាពនិងខ្លួនទីពឹងខ្លួន; ហើយអះអាងថា កិច្ចសហប្រតិបត្តិការរវាងវៀតណាមនិង UNESCO បានក្លាយជាគំរូដើម្បីសន្តិភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាព។ វៀតណាមបានអះអាងជាថ្មីនូវការសន្យាអនុវត្តទំនួលខុសត្រូវរបស់ប្រទេសជាសមាជិក ក្នុងការអភិរក្សនិងពង្រីកតម្លៃបេតិកភណ្ឌវប្បធម៌នៅថ្នាក់ជាតិនិងអន្តរជាតិ រួមចំណែកបន្ថែមទៀតដល់កិច្ចការរួមរបស់ UNESCO តាមរយៈការឈរឈ្មោះជាគណៈកម្មាធិការបេតិកភណ្ឌពិភពលោក អាណត្តិ ២០២៣-២០២៧។
រីឯខ្លួនវិញ អគ្គនាយករង UNESCO លោក Xing Qu បានវាយតម្លៃថា ព្រឹត្តិការណ៍វប្បធម៌នេះបានរួមចំណែកលើកតម្កើងសម្រស់ស្អាតនិងភាពសម្បូរបែបនទំនៀមទំលាប់និងប្រពៃណីស៊ីជម្រៅនៃបេតិកភណ្ឌអរូបីរបស់វៀតណាម។
នៅក្នុងកម្មវិធីនេះ គណៈប្រតិភូបានរីករាយនឹងលក្ខណៈវិសេសវិសាលនៃវប្បធម៌ សិល្បៈប្រជាប្រិយ ប្រពៃណីវៀតណាមដូចជា៖ របាំនាគ ចម្រៀងប្រជាប្រិយ សិល្បៈធ្វើគំនូរប្រជាប្រិយ Dong Ho សម្តែងក្បាច់គុន Vovinam ជាមួយនឹងម្ហូបអាហារពិសេសរបស់វៀតណាមផងដែរ៕
