ព្រឹត្តិការណ៍នេះ មានគោលបំណងផ្សព្វផ្សាយសម្រស់ធម្មជាតិ និងវប្បធម៌របស់បណ្តាជនជាតិ ជំរុញការអភិវឌ្ឍទេសចរណ៍ និងផ្សព្វផ្សាយរូបភាពតំបន់ខ្ពង់រាបថ្មដុងវ៉ាន់ ទៅកាន់ភ្ញៀវទេសចរទាំងជាតិ និងអន្តរជាតិ។
កម្មវិធីនេះរួមមានផ្នែកពិធីកិច្ច និងផ្នែកបុណ្យជាមួយនឹងការសម្តែងសិល្បៈវិសេសវិសាល ដែលរួមបញ្ចូលគ្នាយ៉ាងសុខដុមរមនានូវវប្បធម៌ប្រពៃណី និងសិល្បៈសហសម័យ ដោយពណ៌នាអំពីសម្រស់ធម្មជាតិ ប្រជាជន អត្តសញ្ញាណវប្បធម៌របស់ក្រុមជនជាតិភាគតិច និងកម្លាំងរស់ថ្មីនៃតំបន់ដីភាគខាងជើងបំផុតនៃមាតុភូមិ។
ចាប់ពីខែតុលា ដល់ចុងខែធ្នូ ឆ្នាំ ២០២៦ សកម្មភាពវប្បធម៌ កីឡា និងទេសចរណ៍ជាច្រើននឹងបន្តប្រព្រឹត្តទៅចំនៅតាមបណ្តាឃុំក្នុងតំបន់ខ្ពង់រាបថ្មដុងវ៉ាន់ ។ ភ្ញៀវទេសចរនឹងមានឱកាសចូលរួមក្នុងសកម្មភាពទេសចរណ៍សហគមន៍ ការផ្លាស់ប្តូរវប្បធម៌ ល្បែងប្រជាប្រិយ ការសម្តែងសិប្បកម្មប្រពៃណីដូចជា ការត្បាញក្រណាត់ទេសឯក ការជ្រលក់ពណ៌ស្វាយ ការប៉ាក់ចរបាប់ ជាងដែក ស្វែងយល់ពីម្ហូបអាហារក្នុងស្រុក ទទួលបទពិសោធន៍ធ្វើនំពីផ្កាបាក់វិត និងស្វែងយល់អំពីទម្លាប់កសិកម្មនៅលើជម្រាលថ្ម៕
