អង្គប្រជុំបានឯកភាពខ្ពស់លើអត្ថន័យផ្នែកនយោបាយនិងភាពចាំបាច់បន្ទាន់នៃការតាមដាន និងពន្លឿនការអនុវត្តការសន្យា និងកិច្ចព្រមព្រៀងអន្តរជាតិ; បញ្ជាក់ពីការប្តេជ្ញាចិត្តផ្លាស់ប្តូរយ៉ាងខ្លាំងពីការផ្តោតលើការចុះហត្ថលេខាទៅជាការផ្តល់អាទិភាពដល់ការអនុវត្តប្រកបដោយប្រសិទ្ធភាព និងប្រែក្លាយការសន្យាទៅជាប្រភពធនធានជាក់ស្តែងសម្រាប់បម្រើការអភិវឌ្ឍប្រទេសជាតិ។

ថ្លែងនៅក្នុងកិច្ចប្រជុំ លោករដ្ឋមន្រ្តី ឡេ ហយជុង បានមានប្រសាសន៍ថា ក្រសួងការបរទេសនឹងបន្តធ្វើឲ្យសុក្រិតក្របខ័ណ្ឌ និងយន្តការសម្របសម្រួលរួម; លើកកម្ពស់តួនាទីរបស់ស្ថាប័នអចិន្ត្រៃយ៍នៃគណៈ កម្មាធិការដឹកនាំមជ្ឈិមអំពីកិច្ចការបរទេស និងសមាហរណកម្មអន្តរជាតិកណ្តាល ក៏ដូចជាបណ្តាញស្ថាប័នតំណាងវៀតណាមនៅក្រៅប្រទេស ដើម្បីរួមដំណើរ និងជួយគាំទ្រដល់បណ្ដាក្រសួង វិស័យ និងមូលដ្ឋាននានា ក្នុងការជំរុញការអនុវត្តប្រកបដោយប្រសិទ្ធភាពនូវការសន្យានិងកិច្ចព្រមព្រៀងអន្តរជាតិ ព្រមទាំងកៀរគរធនធានពីខាងក្រៅ ដើម្បីបម្រើដល់ការអភិវឌ្ឍយ៉ាងឆាប់រហ័ស និងប្រកបដោយចីរភាពរបស់ប្រទេសជាតិ និងលើកកម្ពស់ឋានៈ និងកិត្យានុភាពលើឆាកអន្តរជាតិរបស់វៀតណាមផងដែរ៕