ក្រោមចំណងជើងថា “វៀតណាមបើកទ្វារដែកក្នុងទំនាក់ទំនងពាណិជ្ជ កម្មជាមួយអាមេរិក” អត្ថបទបានសង្កត់ធ្ងន់ថា ឧបនាយករដ្ឋមន្ត្រី លោក Ho Duc Phoc បេសកជនពិសេសរបស់អគ្គលេខាបក្ស លោក តូ ឡឹម និងក្រុមការងារពិសេសវៀតណាមបានបញ្ចុះបញ្ចូលភាគីអាមេរិកឱ្យយល់ព្រមចរចាកិច្ចព្រមព្រៀងពាណិជ្ជកម្មទ្វេភាគី។ Prensa Latina បានលើកត្រដែតចំពោះការដែល វៀតណាមនិងអាមេរិកបានយល់ព្រមជាផ្លូវការក្នុងការចរចារអំពីពន្ធគយ ហើយបញ្ជាក់ថា នេះគឺជា “សសរស្តម្ភសំខាន់បំផុត” នៃកិច្ចព្រមព្រៀងបានលើកឡើងខាងលើ។ ក្នុងប៉ុន្មានថ្ងៃខាងមុខ រដ្ឋាភិបាលវៀតណាមនឹងពិចារណាបង្កើតក្រុមចរចាបច្ចេកទេសថ្នាក់រដ្ឋមន្ត្រី ដើម្បីអនុវត្តន៍ជាក់ស្តែងរាល់លទ្ធផលដែលក្រុមការងារពិសេសសម្រេចបាន។

យោងតាម Prensa Latina ក្នុងជំនួបនាពេលថ្មីៗនេះជាមួយរដ្ឋមន្ត្រីក្រសួងរតនាគារអាមេរិក Scott Bessent ដែលត្រូវបានតែងតាំងជាប្រធានគណៈប្រតិភូដើម្បីចរចាកិច្ចព្រមព្រៀងពាណិជ្ជកម្មទ្វេភាគី ជាមួយវៀតណាម ឧបនាយករដ្ឋមន្ត្រីលោក Ho Duc Phoc បានអះអាងថា វៀតណាមត្រៀមខ្លួនជាស្រេចសម្រាប់ការពិភាក្សា; ភាគីទាំងពីរត្រូវបានស្នើឱ្យពិភាក្សាយ៉ាងឆាប់ៗ លើខ្លឹមសារជាក់ស្តែង ដើម្បីសម្រេចបានកិច្ចព្រមព្រៀងឱ្យបានឆាប់តាមដែលអាចធ្វើទៅបាន រួមចំណែកជំរុញការអភិវឌ្ឍស្ថិរភាពនិងនិរន្តរភាពនៃទំនាក់ទំនងសេដ្ឋកិច្ច និងពាណិជ្ជកម្មទ្វេភាគី បំពេញផលប្រយោជន៍ប្រជាជន និងធុរកិច្ចនៃប្រទេសទាំងពីរ។

ទីភ្នាក់ងារសារព័ត៌មាន Prensa Latina បានសង្កត់ធ្ងន់ថា វៀតណាមនិងអាមេរិកនឹងដំណើរការកិច្ចចរចារលើកិច្ចព្រមព្រៀងពាណិជ្ជកម្មក្នុងស្មារតីនៃភាពជាដៃគូយុទ្ធសាស្ត្រគ្រប់ជ្រុងជ្រោយ ដោយឈរលើការគោរពគ្នាទៅវិញទៅមក សំដៅរកដំណោះស្រាយសមស្របសម្រាប់ពាណិជ្ជកម្មប្រកបដោយនិរន្តរភាព នាំមកនូវផលប្រយោជន៍ជូនប្រជាជននិងអាជីវកម្មនៃភាគីទាំងពីរ៕