ប្រធានាធិបតីអ៊ុយក្រែនលោក Volodymyr Zelensky កាលពីថ្ងៃទី 2២១ ខែមីនា បានឲ្យដឹងថា ជំនួបជាមួយសមភាគីរុស្ស៊ីលោក Vladimir Putin "នៅក្រោមក្របខ័ណ្ឌ ណាមួយ" គឺចាំបាច់ដើម្បីបញ្ចប់ជម្លោះបច្ចុប្បន្ន។ លោក Zelensky ក៏បានក្រើនរំលឹក ផងដែរថា សម្បទានណាមួយដែលបានព្រមព្រៀងជាមួយរុស្ស៊ីក្នុងការចរចា ក៏នឹងត្រូវការបោះឆ្នោតអនុម័តដោយប្រជាជនអ៊ុយក្រែនតាមរយៈការបោះប្រជាមតិមួយ។ យោងតាមលោកថា បញ្ហាដែលត្រូវបានធ្វើប្រជាមតិនោះ អាចពាក់ព័ន្ធនឹងការធានា សន្តិសុខដែលអ៊ុយក្រែនទទួលបាន ដើម្បីបោះបង់ចោលការប៉ុនប៉ងចូលរួមអង្គការសន្ធិ សញ្ញាអាត្លង់ទិកខាងជើង (NATO)។ លោកបានសង្កត់ធ្ងន់លើការត្រៀមខ្លួនជាស្រេចគាំទ្រកិច្ចព្រមព្រៀងណាមួយដែលប្រជាជនអ៊ុយក្រែនទទួលយក។