នៅក្នុងសេចក្តីថ្លែងការណ៍មួយកាលពីថ្ងៃទី ១០ ខែធ្នូ អ្នកនាំពាក្យសេតវិមាន លោកស្រី Karine Jean-Pierre បានឲ្យដឹងថា នៅក្នុងកិច្ចប្រជុំនេះប្រធានាធិបតី Joe Biden និងសមភាគី លោក Volodymyr Zelensky គ្រោងនឹងពិភាក្សាអំពីតម្រូវការបន្ទាន់របស់អ៊ុយក្រែននៅពេលនេះនិងសារៈសំខាន់នៃវិធានការគាំទ្ររបស់ទីក្រុងវ៉ាស៊ីនតោនសម្រាប់ទីក្រុង Kiev។

នេះជាដំណើរទស្សនកិច្ចលើកទីបីហើយរបស់លោកប្រធានាធិបតី Zelensky ទៅកាន់អាមេរិក ចាប់តាំងពីជម្លោះរុស្ស៊ី និងអ៊ុយក្រែនបានផ្ទុះឡើងក្នុងខែកុម្ភៈ ឆ្នាំ២០២២។ ក្នុងដំណើរទស្សនកិច្ចនេះ លោក Zelensky ក៏ត្រូវបានរំពឹងថានឹងជួបជាមួយមេដឹកនាំសភាអាមេរិកផងដែរ៕