ក្នុងជំនួបនេះ
លោកស្រីប្រធានរដ្ឋស្តីទី Vo Thi Anh Xuan បានវាយតំលៃខ្ពស់ចំពោះការរួមវិភាគទានរបស់
WB ក្នុងការជួយឧបត្ថម្ភការអភិវឌ្ឍ និងលើកកំពស់ជីវភាពរស់នៅរបស់ប្រជាជននៅបណ្តាប្រទេសជាសមាជិកជុំវិញពិភពលោក។
ចាប់ពីឆ្នាំ ១៩៩៣ មក WB បានសន្យាផ្តល់ប្រាក់កម្ចីប្រហែល ២៥
ពាន់លានដុល្លារអាមេរិកដល់ប្រទេសវៀតណាម ដើម្បីអនុវត្តន៍កម្មវិធី និងគម្រោងចំនួន ១៨០
ក្នុងវិស័យផ្សេងៗគ្នា រួមចំណែកយ៉ាងសំខាន់ក្នុងការជួយឧបត្ថម្ភវៀតណាមអភិវឌ្ឍន៍សេដ្ឋកិច្ចសង្គម។
នាពេលខាងមុខ
លោកស្រីប្រធានរដ្ឋស្តីទីបានស្នើឲ្យ WB យកចិត្តទុកដាក់ផ្តល់ដើមទុនពី
៥-៧ ពាន់លានដុល្លាអាមេរិក ក្នុងដំណាក់កាល ២០២៣ - ២០២៧
ដើម្បីជួយវៀតណាមអនុវត្តន៍គម្រោងថ្នាក់ជាតិសំខាន់ៗ ក្នុងទ្រង់ទ្រាយធំលើវិស័យដូចជា ៖
ហេដ្ឋារចនាសម្ព័ន្ធដឹកជញ្ជូន តំបន់ទីក្រុង ថាមពលកកើតឡើងវិញ កសិកម្មឆ្លាតវៃ
ការឆ្លើយតបទៅនឹងការប្រែប្រួលអាកាសធាតុ។
រីឯខ្លួនវិញ
លោកស្រី Carolyn Turk បានកោតសរសើរចំពោះការគាំទ្រ
និងការសម្របសម្រួលរបស់ក្រសួង ស្ថាប័ននានារបស់វៀតណាមជាមួយ WB នាពេលកន្លងមក ដោយអះអាងថា WB ត្រៀមខ្លួនជាស្រេចរួមដំណើរជានិច្ចជាមួយវៀតណាម
ដើម្បីសម្រេចបាននូវគោលដៅអភិវឌ្ឍន៍សេដ្ឋកិច្ច-សង្គម
ក្នុងនោះផ្តល់អាទិភាពដល់ការអភិវឌ្ឍហេដ្ឋារចនាសម្ព័ន្ធដឹកជញ្ជូន តំបន់ទីក្រុង
ថាមពលកកើតឡើងវិញ និងការឆ្លើយតបទៅនឹងការប្រែប្រួលអាកាសធាតុ៕