នារសៀលថ្ងៃទី១០ ធ្នូ ប្រធានរដ្ឋសភាវៀតណាម លោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាមបានមកដល់អាកាសយានដ្ឋាន Noi Bai បញ្ចប់ដំណើរទស្សនកិច្ចប្រកបដោយជោគជ័យ អញ្ជើញចូលរួមកិច្ចប្រជុំកំពូលនៃរដ្ឋសភានៃប្រទេសទាំងបីកម្ពុជា -ឡាវ-វៀតណាម (CLV) ជាលើកដំបូង ដំណើរបំពេញទស្សនកិច្ចការងារនៅប្រទេសឡាវ និងដំណើរទស្សនកិច្ចផ្លូវការនៅប្រទេសថៃ។ ជាមួយនឹងសកម្មភាពជាង ៦០ ដំណើរទស្សនកិច្ចរបស់ប្រធានរដ្ឋសភាវៀតណាមលោក Vuong Dinh Hue (ចាប់ពីថ្ងៃទី ៤ ដល់ថ្ងៃទី ១០ ខែធ្នូ) សម្រេចបាននូវគោលដៅ និងតម្រូវការទាំងអស់ដែលបានកំណត់ទាំងទ្វេភាគី និងពហុភាគី។
នៅប្រទេសឡាវ ប្រធានរដ្ឋសភាវៀតណាម លោក Vuong Dinh Hue និងប្រធានរដ្ឋសភាកម្ពុជា-ឡាវ បានធ្វើជាសហប្រធាននៃកិច្ចប្រជុំកំពូលរដ្ឋសភា CLV លើកទី១ នេះជាសកម្មភាពមួយក្នុងចំណោមសកម្មភាពកិច្ចការបរទេសពហុភាគីដែលមានអត្ថន័យសំខាន់ក្នុងឆ្នាំ២០២៣ របស់ថ្នាក់ដឹកនាំជាន់ខ្ពស់។ កិច្ចប្រជុំនេះមានអត្ថន័យសំខាន់ក្នុងការពង្រឹងចំណងសាមគ្គីភាព និងមិត្តភាព ក៏ដូចជាការជំរុញកិច្ចសហប្រតិបត្តិការ និងការអភិវឌ្ឍន៍ ជាពិសេសការតភ្ជាប់សេដ្ឋកិច្ចទាំងបីប្រទេសរវាងកម្ពុជា-ឡាវ និងវៀតណាម។
ក៏នៅប្រទេសឡាវ ប្រធានរដ្ឋសភាបានអនុវត្តន៍សកម្មភាពទ្វេភាគី ដោយអះអាងថា វៀតណាមជានិច្ចកាល ផ្តល់អាទិភាពខ្ពស់បំផុតចំពោះទំនាក់ទំនងប្រពៃណី “មានតែមួយគ្មានពីរ” ជាមួយឡាវ។
ដំណើរទស្សនកិច្ចផ្លូវការរបស់ប្រធានរដ្ឋសភាទៅកាន់ប្រទេសថៃជាដំណើរទស្សនកិច្ចលើកដំបូងរបស់ថ្នាក់ដឹកនាំជាន់ខ្ពស់វៀតណាមទៅប្រទេសថៃបន្ទាប់ពីប្រទេសថៃមានរដ្ឋាភិបាលថ្មី (ខែកញ្ញាឆ្នាំនេះ)។ ប្រធានរដ្ឋសភាបានជួបពិភាក្សា ជាមួយថ្នាក់ដឹកនាំកំពូលរបស់ប្រទេសថៃ។ ជាពិសេស ប្រធានរដ្ឋសភាវៀតណាមក៏ជាប្រធានរដ្ឋសភាបរទេសដំបូងគេដែលបានជួបជាមួយព្រះមហាក្សត្រ និងព្រះមហាក្សត្រីនៃប្រទេសថៃផងដែរ។ លើសពីនេះ ប្រធានរដ្ឋសភាក៏បានជួបពិភាក្សាជាមួយមជ្ឈដ្ឋានជាច្រើន ទាំងថ្នាក់កណ្តាល និងថ្នាក់មូលដ្ឋាន សហគមន៍ធុរកិច្ចវៀតណាម-ថៃ និងជនវៀតណាមនៅបរទេសមួយចំនួនធំក្នុងប្រទេសថៃ៕
