ព័ត៌មាន
ប្រធានរដ្ឋសភា លោក ជិន ថាញ់មិន និងភរិយា បានបញ្ចប់ប្រកបដោយដោយជោគជ័យនូវដំណើរទស្សនកិច្ចផ្លូវការនៅកូរ៉េខាងត្បូង
ក្នុងអំឡុងពេលនៃដំណើរទស្សនកិច្ចផ្លូវការនៅកូរ៉េខាងត្បូង លោកប្រធានរដ្ឋសភា ជិន ថាញ់មិន បានជួបជាមួយនាយករដ្ឋមន្ត្រីកូរ៉េខាងត្បូង លោក Han Seong Sook និងបានជួបពិភាក្សាជាមួយប្រធានរដ្ឋសភា លោក Cho Jeong Sik។ នៅក្នុងកិច្ចប្រជុំទាំងនេះ ថ្នាក់ដឹកនាំនៃប្រទេសទាំងពីរបានវាយតម្លៃជាវិជ្ជមានចំពោះការអភិវឌ្ឍទំនាក់ទំនងវៀតណាម-កូរ៉េខាងត្បូង ជាពិសេសការផ្លាស់ប្តូរគណៈប្រតិភូជាប្រចាំនៅគ្រប់ជាន់ថ្នាក់ ជាពិសេសនៅថ្នាក់ជាន់ខ្ពស់ ដោយបញ្ជាក់ថា វៀតណាម និងកូរ៉េខាងត្បូងបានក្លាយជាដៃគូសំខាន់ៗឈានមុខគេរបស់គ្នាទៅវិញទៅមកក្នុងវិស័យសេដ្ឋកិច្ច ពាណិជ្ជកម្ម និងវិនិយោគ។
វាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការរវាងរដ្ឋសភាវៀតណាម និងរដ្ឋសភាកូរ៉េខាងត្បូង នាពេលកន្លងទៅ ថ្នាក់ដឹកនាំនៃប្រទេសទាំងពីរបានឯកភាពគ្នារក្សាការផ្លាស់ប្តូរគណៈប្រតិភូជាន់ខ្ពស់ និងគណៈប្រតិភូគ្រប់ជាន់ថ្នាក់; បង្កើនការចែករំលែកបទពិសោធន៍ក្នុងការកសាងច្បាប់និងស្ថាប័ននានា ដើម្បីបម្រើដល់ការអភិវឌ្ឍប្រកបដោយចីរភាព; ជំរុញការផ្លាស់ប្តូររវាងគណៈកម្មាធិការឯកទេសក្នុងរយៈពេលខាងមុខ; អនុវត្តន៍ប្រកបដោយប្រសិទ្ធភាពនូវអនុស្សរណៈនៃកិច្ចសហប្រតិបត្តិការរវាងរដ្ឋសភានៃប្រទេសទាំងពីរ ដែលបានចុះហត្ថលេខាក្នុងខែវិច្ឆិកា ឆ្នាំ ២០២៥៕
