ប្រធានរដ្ឋវៀតណាមអញ្ជើញទៅបំពេញទស្សនកិច្ចថ្នាក់រដ្ឋនៅ Tanzania
នាព្រឹកថ្ងៃទី៩ ខែមិនា ឆ្នាំ២០១៦ (តាមម៉ោងហាណូយ) ប្រធានរដ្ឋវៀតណាម លោកTruong Tan Sang និងភរិយា រួមជាមួយគណៈប្រតិភូជាន់ខ្ពស់វៀតណាម បានទៅដល់ព្រលានយន្តហោះ Julius Nyerere ទីក្រុង Dar Es Salaam ចាប់ផ្តើមដំណើរទស្សនកិច្ចថ្នាក់រដ្ឋ នៅសាធារណរដ្ឋឯកភាព Tanzania តាមសេចក្ដីអញ្ជើញរបស់ប្រធានាធិបតី លោក Jonh Magufuli ។ ដំណើរទស្សនកិច្ចលើកនេះ នឹងជំរុញទំនាក់ទំនងមិត្តភាពដ៏ល្អប្រសើរ និងសហប្រតិបត្តិការ លើច្រើនវិស័យរវាងប្រទេសទាំងពីរ។
ទទួលប្រធានរដ្ឋ លោក Truong Tan Sang និងគណៈប្រតិភូជាន់ខ្ពស់វៀតណាមនៅ ព្រលានយន្តហោះមានរដ្ឋមន្ត្រីក្រសួងការបរទេស សហប្រតិបត្តិការអន្តរជាតិ តំបន់និងអាហ្វ្រីកខាងកើត រួមជាមួយមន្ត្រីនៃក្រសួងការបរទេស Tanzania ឯកអគ្គរដ្ឋទូតវៀតណាម ប្រចាំនៅ Tanzania លោក Vo Thanh Nam និងកម្មាភិបាល សហគមន៍ជនវៀតណាមនៅ Tanzania ទៀតផង។
ពិធីទទួលប្រធានរដ្ឋ លោក Truong Tan Sang ត្រូវបានរៀបចំឡើងដ៏មហោឡារឹកសំរាប់ អ្នកប្រមុខរដ្ឋ នៅវិមានប្រធានាធិបតី។ តាមគំរោង ចាប់ពីថ្ងៃទី៩ដល់ថ្ងៃទី១១ ខែមិនា ប្រធានរដ្ឋ លោក Truong Tan Sangនឹងជួបសន្ទនាជាមួយប្រធានាធិបតី ថ្នាក់ដឹកនាំរដ្ឋសភា និងគណៈបក្សបដិវត្តន៍Tanzania (CMM) ផងដែរ។ នៅជំនួបទាំងនេះ ភាគីទាំងពីរនឹងពិភាក្សា អំពីវិធានការជាក់ស្ដែងសំដៅបង្កើនទំនាក់ទំនង សហប្រតិបត្តិការប្រពៃណី និងកិច្ចសហប្រតិបត្តិការ លើច្រើនវិស័យ រវាងវៀតណាម និង Tanzania ជំរុញកិច្ចសហប្រតិបត្តិការទ្វេភាគី ពិសេសគឺក្នុងវិស័យពាណិជ្ជកម្ម កសិកម្ម និងសំណង់៕
តាម VOV5 - វិទ្យុសម្លេងវៀតណាម
