ព័ត៌មាន
ប្រធានរដ្ឋ លោក Nguyen Xuan Phuc អញ្ជើញជួបសំណេះសំណាលជាមួយម្ចាស់ឆ្នោតនៅស្រុក Cu Chi និង ស្រុក Hoc Mon
នាថ្ងៃទី១១ ខែឧសភា ឆ្នាំ២០២២ នៅទីក្រុងហូជីមិញ ប្រធានរដ្ឋវៀតណាម លោក Nguyen Xuan Phuc និងក្រុមសមាជិកសភាទីក្រុងហូជីមិញ មណ្ឌលបោះឆ្នោតលេខ ១០ បានជួបប្រាស្រ័យជាមួយម្ចាស់ឆ្នោតស្រុក Cu Chi និងស្រុក Hoc Mon តាមទម្រង់អនឡាញនិងផ្ទាល់មុខ សម្រាប់ត្រៀមរៀបចំសម័យប្រជុំលើកទី ៣ រដ្ឋសភានីតិកាលទី ១៥។
នៅក្នុងពិធីនេះ អ្នកបោះឆ្នោតបានផ្តោតការយកចិត្តទុកដាក់លើបញ្ហាសំខាន់ៗរបស់ប្រទេសជាតិ ដែលក្នុងនោះមានបញ្ហាដីធ្លី និងបន្តជំរុញការប្រឆាំងអំពើពុករលួយដោយគ្មានតំបន់ហាមឃាត់។
អញ្ជើញថ្លែងមតិក្នុងជំនួបជាមួយម្ចាស់ឆ្នោត ប្រធានរដ្ឋវៀតណាម លោក Nguyen Xuan Phuc បានប្រកាសលទ្ធផលមួយចំនួនរបស់ប្រទេសជាតិ ទាំងផ្នែកសេដ្ឋកិច្ច សង្គម និងកិច្ចការបរទេស ក្នុងនោះ សេដ្ឋកិច្ចរបស់ទីក្រុងហូជីមិញ និងប្រទេសទាំងមូលកំពុងបានស្តារឡើងវិញយ៉ាងល្អប្រសើរផងដែរ។ ប្រធានរដ្ឋ លោក Nguyen Xuan Phuc ក៏បានលើកឡើងអំពីបញ្ហាសំខាន់ៗមួយចំនួនដែលបានពិភាក្សានៅក្នុងកិច្ចប្រជុំ រួមទាំងការជំរុញកិច្ចខិតខំប្រឹងប្រែងប្រឆាំងអំពើពុករលួយ ភាពអសកម្ម។
“គណៈកម្មាធិការមជ្ឈិមបានពិភាក្សា និងចេញសេចក្តីសម្រេចស្តីពីការបង្កើតគណៈកម្មាធិការដឹកនាំទទួលបន្ទុកការងារបង្ការប្រឆាំងអំពើពុករលួយ ភាពអសកម្មនៅថ្នាក់ខេត្ត ក្រុង។ បច្ចុប្បន្ននេះ គណៈ កម្មាធិការមជ្ឈិមបានបំពេញការងារប្រឆាំងអំពើពុករលួយយ៉ាងល្អ ប៉ុន្តែត្រូវប្រគល់ភារកិច្ចនេះសម្រាប់មូលដ្ឋានដោយមានសមាជិកដឹកនាំគឺលេខាធិការគណៈកម្មាធិការបក្សក្រុងជាប្រធានគណៈកម្មាធិការដែរ”។ នេះបើយោងតាមប្រសាសន៍របស់ប្រធានរដ្ឋ លោក Nguyen Xuan Phuc។
នារសៀលថ្ងៃដដែល ប្រធានរដ្ឋវៀតណាម លោក Nguyen Xuan Phuc បានបន្តជួបសំណេះសំណាលជាមួយម្ចាស់ឆ្នោតនៅទីក្រុងហូជីមិញ៕