• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ប្រធានគណបក្សប្រជាជនកម្ពុជា សម្តេច តេជោ ហ៊ុនសែនថ្លែងអំណរគុណដល់អគ្គលេខាបក្ស លោក Nguyen Phu Trong

នាថ្ងៃទី ២២ ខែមេសា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងជាប្រធានគណបក្សប្រជាជនកម្ពុជា (CPP) បានអញ្ជើញផ្ញើសារលិតិថ្លែងអំណរគុណជូនចំពោះ លោក Nguyen Phu Trong អគ្គលេខានៃគណៈកម្មាធិការមជ្ឈឹមបក្សកុម្មុយនិស្សវៀតណាម។

លោក Nguyen Phu Trong អគ្គលេខា នៃគណៈកម្មាធិការម្មាធិការមជ្ឈឹមបក្សកុម្មុយនិស្សវៀតណាម និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធាន គណបក្សប្រជាជនកម្ពុជា (CPP) (រូបថត៖ VOV)


សារលិខិតថ្លែងអំណរគុណរបស់សម្តេចតេជោ ហ៊ុន សែន បានធ្វើឡើងបន្ទាប់ពី អគ្គលេខាបក្ស លោក Nguyen Phu Trong បានផ្ញើសារលិខិតជូនសម្តេច ហ៊ុនសែន កាលពីថ្ងៃទី១៩ ខែមេសា ឆ្នាំ២០២១ ដើម្បីសួរសុខទុក្ខ និងចែករំលែកផលប៉ះពាល់ ដែលបង្កឡើងដោយជំងឺកូវីដ១៩ នៅកម្ពុជា។

ក្នុងសារលិខិតនេះ  នាយករដ្ឋមន្ត្រីកម្ពុជា សម្ដេចតេជោ ហ៊ុនសែន បានថ្លែងអំណរគុណយ៉ាងជ្រាលជ្រៅចំពោះបក្ស រដ្ឋនិងប្រជាជន វៀតណាមដែលតែងតែយកចិត្តទុកដាក់ដល់ការថែរក្សានូវចំណងមិត្តភាព សាមគ្គីភាព និងរួមសុខរួមទុក្ខជាមួយគ្នានៅគ្រប់កាលៈទេសៈទាំងអស់។ សម្តេច តេជោហ៊ុនសែន បានកោតសរសើរចំពោះ វិធានការយ៉ាងឆាប់រហ័ស ប្រកបដោយទំនួលខុសត្រូវខ្ពស់ និងយ៉ាងមានប្រសិទ្ធភាពរបស់វៀតណាម ព្រមទាំងការរួមចំណែកជាសកលក្នុងការទប់ស្កាត់ជំងឺរាតត្បាតនេះ តាមរយៈការគាំទ្រ និងការផ្ដល់ជំនួយដល់សហគមន៍អន្តរជាតិ ក៏ដូចជាកម្ពុជា ទាំងក្នុងក្របខណ្ឌទ្វេភាគី និងពហុភាគី។

នៅក្នុងជំនួបពិភាក្សាតាមប្រព័ន្ធវីដេអូនាព្រឹកថ្ងៃទី ២២ ខែមេសា ជាមួយរដ្ឋមន្រ្តីក្រសួងសុខាភិបាលកម្ពុជា លោកម៉មប៊ុនហេងនោះ រដ្ឋមន្រ្តីក្រសួងសុខាភិបាលវៀតណាមលោក Nguyen Thanh Long បានឲ្យដឹងថា វៀតណាមត្រៀមខ្លួនជាស្រេចជួយឧបត្ថម្ភកម្ពុជាម៉ាស៊ីនជំនួយដកដង្ហើមចំនួន ៩០០ គ្រឿងនិងម៉ាស់ជាង ២ លានម៉ាស់ផងដែរ៕

តាម VOV5 - វិទ្យុសម្លេងវៀតណាម 

តាម VOV5 - វិទ្យុសម្លេងវៀតណាម

 សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស  ផ្តល់បទសម្ភាសដល់អ្នកយកពត៌មានវៀតណាម VNA

សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស ផ្តល់បទសម្ភាសដល់អ្នកយកពត៌មានវៀតណាម VNA

នៅថ្ងៃទី៣០ ខែសីហា ឆ្នាំ២០២៥ សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស បានអនុញ្ញាតឱ្យអ្នកយកពត៌មានវៀតណាម VNA ចូលជួបសម្ភាសនៅវិមាន៧មករា ។

Top