សន្និសីទនេះជាគំនិតផ្តួចផ្តើមរបស់ក្រសួងយុត្តិធម៌វៀតណាម ដើម្បីលើកកម្ពស់កិច្ចសហប្រតិបត្តិការរវាងភ្នាក់ងារផ្នែកច្បាប់ និងយុត្តិធម៌នៃសមាគមប្រជាជាតិអាស៊ីអាគ្នេយ៍ (អាស៊ាន) ចែករំលែកបទពិសោធន៍ និងដំណោះស្រាយសម្រាប់ការទាញយកអត្ថប្រយោជន៍ ពីបញ្ញាសិប្បនិម្មិត (AI) ប្រកបដោយប្រសិទ្ធភាពក្នុងការធ្វើច្បាប់ និងការអនុវត្តច្បាប់ ដោយរួមចំណែកដល់ការសម្រេចបាននូវចក្ខុវិស័យសហគមន៍អាស៊ានឆ្នាំ២០៤៥។ ថ្លែងនៅក្នុងវេទិកានេះ ឧបនាយករដ្ឋមន្ត្រី ឡេ ទៀន ចូវ បានសង្កត់ធ្ងន់ថា៖ “វៀតណាមតែងតែឱ្យតម្លៃលើតួនាទីស្នូលរបស់អាស៊ាននៅក្នុងដំណើរការសហប្រតិបត្តិការច្បាប់ឌីជីថលក្នុងតំបន់។ គោលការណ៍ ស្តង់ដារ និងបទប្បញ្ញត្តិស្តីពីការអនុវត្តបញ្ញាសិប្បនិម្មិតក្នុងវិស័យច្បាប់ និងតុលាការគួរតែត្រូវបានបង្កើតឡើងជាមុនសិននៅក្នុងអាស៊ាន និងដឹកនាំដោយអាស៊ានដោយផ្អែកលើការឯកភាពគ្នា និងការគោរពអធិបតេយ្យភាពរបស់រដ្ឋជាសមាជិកនីមួយៗ។ ចូលដល់ឆ្នាំទីពីរនៃចក្ខុវិស័យសហគមន៍អាស៊ានឆ្នាំ២០៤៥ ខ្ញុំជឿជាក់ថា អាស៊ានមានលក្ខខណ្ឌចាំបាច់ដើម្បីក្លាយជាអ្នកដឹកនាំពិភពលោកក្នុងការអនុវត្តប្រកបដោយការទទួលខុសត្រូវនៃបញ្ញាសិប្បនិម្មិតក្នុងវិស័យច្បាប់ និងតុលាការ។ តាមរយៈនេះ អាចរួមចំណែកសំឡេងរបស់ខ្លួនដល់ក្របខ័ណ្ឌអភិបាលកិច្ច AI ក្នុងតំបន់ និង សកល”។

លោកឧបនាយករដ្ឋមន្ត្រី ឡេ ទៀន ចូវ បានអំពាវនាវដល់ប្រទេសអាស៊ាន ដៃគូអភិវឌ្ឍន៍ និងអង្គការអន្តរជាតិនានា ឱ្យរួមគ្នាអនុវត្តទិសដៅចំនួនបួន៖ ការកសាងគោលការណ៍រួមមួយស្តីពីការអនុវត្តបញ្ញាសិប្បនិម្មិត...បច្ចេកវិទ្យា AI ក្នុងការធ្វើច្បាប់ និងការអនុវត្ត; ការចែករំលែកស្តង់ដារ បទប្បញ្ញត្តិ ទិន្នន័យច្បាប់ និងបទពិសោធន៍ឌីជីថល; កិច្ចសហប្រតិបត្តិការក្នុងការអភិវឌ្ឍធនធានមនុស្ស ហេដ្ឋារចនាសម្ព័ន្ធទិន្នន័យ ការផ្ទេរបច្ចេក វិទ្យា និងការបង្រួមគម្លាតសមត្ថភាពឌីជីថល; ការរក្សាយន្តការសម្រាប់ការសន្ទនា ការចែករំលែកបទពិសោធន៍ និងបណ្តាញអ្នកជំនាញ៕