ក្នុងជំនួបនេះ ថ្នាក់ដឹកនាំទាំងពីរបានបញ្ជាក់ពីការប្តេជ្ញាចិត្តក្នុងការពង្រឹងកិច្ចសហប្រតិបត្តិការសភា ពង្រឹងការសម្របសម្រួលរវាងស្ថាប័នឯកទេស បង្កើនប្រសិទ្ធភាពនៃក្រុមមិត្តភាពសភា; ជំរុញការធ្វើឲ្យសុក្រិតក្របខ័ណ្ឌច្បាប់ និងឃ្លាំមើលការអនុវត្តកិច្ចព្រមព្រៀងទ្វេភាគី រួមដំណើរជាមួយរដ្ឋាភិបាល មូលដ្ឋាន និងអាជីវកម្មនៃប្រទេសទាំងពីរ។
បន្ទាប់ពីកិច្ចពិភាក្សា ប្រធានក្រុមប្រឹក្សាសហព័ន្ធ លោកស្រី Matviyenko បានប្រគល់ជូន ប្រធានរដ្ឋសភាលោកត្រឹន ថាញ់ មិននូវផ្លាកសញ្ញាកិត្តិយសរបស់ក្រុមប្រឹក្សាសហព័ន្ធ “សម្រាប់ការរួមចំណែកដល់ការអភិវឌ្ឍប្រព័ន្ធសភា”។ ប្រធានរដ្ឋសភា លោកត្រឹន ថាញ់ មិនមានប្រសាសន៍ថា៖ "ខ្ញុំសូមគោរពចំពោះរឿងនេះ មិនត្រឹមតែជាកិត្តិយសសម្រាប់ខ្លួនខ្ញុំផ្ទាល់ប៉ុណ្ណោះទេ ថែមទាំងជាការទទួលស្គាល់តួនាទីរបស់រដ្ឋសភានៃសាធារណរដ្ឋសង្គមនិយមវៀតណាមផងដែរ។ នេះគឺជាសក្ខីភាពដ៏រស់រវើកនៃចំណង់សាមគ្គីភាពប្រពៃណីផ្សាភ្ជាប់យ៉ាងជិតស្និទ្ធរវាងរដ្ឋ រដ្ឋសភា និងប្រជាជននៃប្រទេសទាំងពីរ ក៏ដូចជាភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងសហព័ន្ធរុស្ស៊ី"។
នៅថ្ងៃដដែលនោះ ប្រធានរដ្ឋសភាលោកត្រឹន ថាញ់ មិន និងប្រធានក្រុមប្រឹក្សាសហព័ន្ធ លោកស្រី Matviyenko បានធ្វើជាសាក្សីក្នុងការចុះហត្ថលេខា និងផ្លាស់ប្តូរឯកសារសហប្រតិបត្តិការជាច្រើន៕
