ព័ត៌មាន
នាយករដ្ឋមន្ត្រី លោក ហ្វាម មិញ ជិញ អញ្ជើញជួបពិភាក្សាទ្វេភាគីនៅខាងក្រៅកិច្ចប្រជុំកំពូលអាស៊ានលើកទី៤៦
នៅក្នុងជំនួបនេះ លោកនាយករដ្ឋមន្ត្រីបានស្នើឱ្យប្រ៊ុយណេបន្តបង្កើតលក្ខខណ្ឌអំណោយផលសម្រាប់អង្គភាពអាជីវកម្មវៀតណាមក្នុងកិច្ចសហប្រតិបត្តិការលើវិស័យប្រេង និងឧស្ម័ន សារធាតុគីមី និងអាហារ; ផ្តល់អាជ្ញាប័ណ្ណបន្ថែមសម្រាប់កប៉ាល់នេសាទ និងអ្នកនេសាទវៀតណាម ដើម្បីនេសាទក្នុងដែនទឹកប្រ៊ុយណេ។ ទន្ទឹមនឹងនោះ គាំទ្រវៀតណាមក្នុងការផ្តល់វិញ្ញាបនប័ត្រផលិតអាហារហាឡាល់។ ក្នុងឱកាសនេះ ថ្នាក់ដឹកនាំទាំងពីរបានឯកភាពបន្តអនុវត្តប្រកបដោយប្រសិទ្ធភាពនូវកម្មវិធីសកម្មភាពអនុវត្តភាពជាដៃគូលើគ្រប់ជ្រុងជ្រោយវៀតណាម - ប្រ៊ុយណេ ដំណាក់កាល ២០២៣-២០២៧ បង្កើនទំនាក់ទំនង និងផ្លាស់ប្តូរនៅគ្រប់កម្រិត និងជំរុញការជួបប្រាស្រ័យរវាងប្រជាជននិងប្រជាជន រួមចំណែកបង្កើតសន្ទុះ និងធ្វើឲ្យទំនាក់ទំនងទ្វេភាគីកាន់តែស៊ីជម្រៅនាពេលខាងមុខ។
នាព្រឹកថ្ងៃដដែល ក្នុងជំនួបជាមួយនាយករដ្ឋមន្ត្រីទីម័រឡេស្តេ លោក Xanana Gusmao លោកនាយករដ្ឋមន្ត្រីហ្វាម មិញ ជិញ បានអបអរសាទរចំពោះប្រទេសទីម័រខាងកើតដែលបានក្លាយជាសមាជិកថ្មីរបស់អាស៊ានជាផ្លូវការនៅក្នុងកិច្ចប្រជុំកំពូលអាស៊ានលើកទី ៤៧ ក្នុងខែតុលា។ នាយករដ្ឋមន្ត្រីបានអះអាងថា វៀតណាមត្រៀមខ្លួនជានិច្ចដើម្បីចែករំលែកបទពិសោធន៍ក្នុងការអភិវឌ្ឍន៍សេដ្ឋកិច្ចសង្គមជាមួយទីម័រខាងកើត៕
