បន្ទាប់ពីកិច្ចពិភាក្សារវាងអគ្គលេខាបក្ស ប្រធានរដ្ឋ លោកតូ ឡឹមនិងនាយករដ្ឋមន្ត្រីអូស្ត្រាលី លោក Anthony Albanese នៅទីក្រុង Canberra ភាគីទាំងពីរបានចេញសេចក្តីថ្លែងការណ៍រួម ដោយបញ្ជាក់ពីមូលដ្ឋានគ្រឹះដ៏រឹងមាំនៃភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងអូស្ត្រាលី។ សេចក្តីថ្លែងការណ៍នេះបានបញ្ជាក់ជាថ្មីនូវការប្តេជ្ញាចិត្តក្នុងការពង្រឹងកិច្ចសហប្រតិបត្តិការបន្ថែមទៀតលើវិស័យការពារជាតិ និងសន្តិសុខ។
ថ្នាក់ដឹកនាំនៃប្រទេសទាំងពីរបានព្រមព្រៀងគ្នាពង្រឹងកិច្ចសហប្រតិបត្តិការក្នុងវិស័យពាណិជ្ជកម្ម និងវិនិយោគ។ ថ្នាក់ដឹកនាំទាំងពីរបានបញ្ជាក់ជាថ្មីនូវការប្តេជ្ញាចិត្តក្នុងការលើកកម្ពស់ និងការពារសិទ្ធិមនុស្សស្របតាមច្បាប់អន្តរជាតិ ពង្រឹងនិងចូលរួមចំណែកដល់ការងាររបស់ក្រុមប្រឹក្សាសិទ្ធិមនុស្សអង្គការសហប្រជាជាតិ និងយន្តការរបស់ក្រុមប្រឹក្សា។
ភាគីទាំងពីរបានបញ្ជាក់ពីការប្តេជ្ញាចិត្តក្នុងការពន្លឿនកិច្ចសហប្រតិបត្តិការក្នុងការផ្លាស់ប្តូរថាមពល ការការពារបរិស្ថាន ការឆ្លើយតបទៅនឹងការប្រែប្រួលអាកាសធាតុ; ជំរុញការអភិរក្ស និងការប្រើប្រាស់ជីវៈចម្រុះសមុទ្រប្រកបដោយចីរភាព; ធ្វើឲ្យស៊ីជម្រៅថែមទៀតកិច្ចសហប្រតិបត្តិការក្នុងវិទ្យាសាស្ត្រ បច្ចេកវិទ្យា នវានុវត្តន៍ ការផ្លាស់ប្តូរឌីជីថល និងបរិយាប័ន្នឌីជីថល។
ថ្នាក់ដឹកនាំទាំងពីរបានបញ្ជាក់ជាថ្មីនូវការប្តេជ្ញាចិត្តចំពោះតំបន់ឥណ្ឌូ-ប៉ាស៊ីហ្វិកដែលមានសន្តិភាព ស្ថិរភាព វិបុលភាព និងបរិយាប័ន្ន; បញ្ជាក់ពីតួនាទីស្នូលរបស់សមាគមប្រជាជាតិអាស៊ីអាគ្នេយ៍ (អាស៊ាន) និងសារៈសំខាន់របស់អាស៊ានក៏ដូចជាយន្តការតំបន់ដែលដឹកនាំដោយអាស៊ាន។ ថ្នាក់ដឹកនាំទាំងពីររូបបានបញ្ជាក់ជាថ្មីនូវសារៈសំខាន់នៃការរក្សាសន្តិភាព សន្តិសុខ ស្ថិរភាព និងសេរីភាពនៃការធ្វើនាវាចរណ៍ និងអាកាសចរណ៍នៅសមុទ្រខាងកើត; ដំណោះស្រាយដោយរាល់ជម្លោះលើសមុទ្រស្របតាមច្បាប់អន្តរជាតិ ។
អូស្ត្រាលីបានបញ្ជាក់ជាថ្មីនូវការគាំទ្រយ៉ាងមុតមាំរបស់ខ្លួនចំពោះតួនាទីស្នូល សាមគ្គីភាព និងឯកភាពរបស់អាស៊ាន ក៏ដូចជាភាពជាអ្នកដឹកនាំក្នុងការលើកកម្ពស់ការសន្ទនា កិច្ចសហប្រតិបត្តិការ និងការកសាងទំនុកចិត្តនៅក្នុងតំបន់៕
