អ្នកជំនាញ WB ក្នុងសន្និសីទសារព័ត៌មាន (រូបថត៖ Vu Quang/daibieunhandan.vn)

យោងតាមរបាយការណ៍ថ្មីមួយរបស់ធនាគារពិភពលោក (WB) បានបានប្រកាសនៅថ្ងៃទី ២៦ ខែសីហានៅទីក្រុងហាណូយថា អត្រាកំណើនសេដ្ឋកិច្ចរបស់វៀតណាមគ្រោងនឹងកើនឡើងខ្ពស់នៅឆ្នាំ ២០២៤ ដោយសារការងើបឡើងវិញនៃការនាំចេញទំនិញផលិត ទេសចរណ៍ ការប្រើប្រាស់ និងការវិនិយោគ។ តាមនោះ សេដ្ឋកិច្ចវៀតណាមត្រូវបានព្យាករណ៍ថា នឹងកើនឡើង ៦,១% ក្នុងឆ្នាំ ២០២៤ និង ៦,៥% ក្នុងឆ្នាំ ២០២៥ និងឆ្នាំ ២០២៦ ខ្ពស់ជាងកម្រិត ៥% នៃឆ្នាំ ២០២៣។

ថ្លែងក្នុងសន្និសីទសារព័ត៌មាន លោកស្រី Dorsati Madani អ្នកជំនាញសេដ្ឋកិច្ចជាន់ខ្ពស់នៃធនាគារពិភពលោកប្រចាំប្រទេសវៀតណាម មានប្រសាសន៍ថា ការព្យាករណ៍សម្រេចបានកំណើន ៦,១% គឺមានភាពវិជ្ជមានខ្លាំង ប៉ុន្តែសេដ្ឋកិច្ចវៀតណាមមិនទាន់បានវិលត្រឡប់ទៅរកគន្លងសក្តានុពលពេញលេញនោះទេ។ យោងតាមលោកស្រី Madani បន្ទាប់ពីការស្ទុះងើបឡើងវិញយ៉ាងខ្លាំងនៅក្នុងឆមាសទីមួយនៃឆ្នាំ ២០២៤ អត្រាកំណើននៃសេដ្ឋកិច្ចវៀតណាមនឹងថយចុះក្នុងពេលដ៏ខ្លីខាងមុខ ដោយជះឥទ្ធិពលនិន្នាការកំណើនសេដ្ឋកិច្ចយឺតនៃសេដ្ឋកិច្ចធំៗក្នុងពិភពលោក ដូច ជាអាមេរិក អឺរ៉ុប និងប្រទេសចិន។ ធនាគារពិភពលោកបានផ្តល់អនុសាសន៍ថា វៀតណាមត្រូវពន្លឿនការបញ្ចេញទុនវិនិយោគសាធារណៈ ដើម្បីបន្តជំរុញសេដ្ឋកិច្ច។ ការធ្វើពិពិធកម្មពាណិជ្ជកម្មដើម្បីបង្កើនសមាហរណកម្មបន្ថែមទៀតក៏នឹងជាកត្តាមួយក្នុងការធ្វើអោយប្រសើរឡើងនូវភាពធន់នៃសេដ្ឋកិច្ចវៀតណាមផងដែរ៕