នាថ្ងៃទី១០ ខែឧសភា ឆ្នាំ២០១៨ ជាថ្ងៃធ្វើការទី ៤ នៃសន្និបាតលើកទី៧ គណៈកម្មាធិការប្រតិបត្តិមជ្ឈឹមបក្សនីតិកាលទី១២។ អង្គប្រជុំបានធ្វើការពិភាក្សាអំពីគម្រោងការកែទម្រង់គោលនយោបាយធានារ៉ាប់រងសង្គម។ លោក Tran Quoc Vuong សមាជិកការិយាល័យនយោបាយនិងជាអចិន្ត្រៃយ៍គណៈលេខាធិកាបានតាងនាមការិយាល័យដឹកនាំកិច្ចប្រជុំ។
សន្និបាតលើកទី៧ គណៈកម្មាធិការមជ្ឈឹមបក្សនីតិកាលទី១២ ឈានចូលថ្ងៃធ្វើការទី៤
អញ្ជើញថ្លែងមតិក្នុងជំនួបនេះ តំណាងទាំងអស់បានវាយតម្លៃខ្ពស់ចំពោះគម្រោងការកែទម្រង់គោលនយោបាយធានារ៉ាប់រងសង្គមលើកនេះ ដោយចាត់ទុកថា គម្រោងការនេះមានលក្ខណៈទូលំទូលាយ មានរបៀបរាបរយជាក់ស្តែងនិងមានលទ្ធភាពអនុវត្តន៍ខ្ពស់។ នេះជាគម្រោងការធំមួយត្រូវបានអនុវត្តន៍ដោយព្រមៗគ្នា គូបផ្សំជាមួយគម្រោងការកម្មវិធីផ្សេងៗទើបធានាបានភាពជោគជ័យ។ មតិជាច្រើនក៏បានវិភាគនូវដំណោះស្រាយមួយចំនួន សំដៅអនុវត្តគោលដៅ ភារកិច្ចដែលគម្រោងការនេះបានដាក់ចេញ ជាពិសេសគឺការទាក់ទាញនិងបើកួទូលាយមុខសញ្ញាចូលរួមធានារ៉ាប់រងធានាតុល្យភាពចំណូលចំណាយក្រកបដោយចីរភាពនៃមូលនីធិ។ លោក Dao Ngoc Dung រដ្ឋមន្ត្រី ក្រសួងការងារ យុទ្ធជនពិការនិងសង្គមកិច្ចបានលើកមតិថា៖
“ដើម្បីអភិវឌ្ឍន៍ការធានារ៉ាប់រងត្រូវយកចិត្តទុកដាក់ដល់ការអភិវឌ្ឍសេដ្ឋកិច្ច ជាពិសេសគឺសេចក្តីសម្រចចិត្តមជ្ឈឹមលើកទី ៥ ស្តីពីការអភិវឌ្ឍសេដ្ឋកិច្ចឯកជន។ នាពេលបច្ចុប្បន្ននេះយើងមានគ្រួសារពាណិជ្ជកម្មបុគ្គលចំនួន ១៥,៦ លានគ្រួសារហើយក្នុងពេលខាងមុខនេះត្រូវផ្តោតលើការអភិវឌ្ឍការធានារ៉ាប់រងសង្គមសម្រាប់កម្លាំងនេះ ដោយផ្សព្វផ្សាយគោលនយោបាយលើកកម្ពស់ភាពទាក់ទាញរបស់ការធានារ៉ាប់រង។ ទន្ទឹមជាមួយគ្នានោះ រដ្ឋមានគោលជំហរជួយឧបត្ថម្ភដល់ប្រជាជនជួបការលំបាកអាចចូលរួមការធានារ៉ាប់រងឲ្យសមស្របជាមួយលក្ខណៈអភិវឌ្ឍន៍សេដ្ឋកិច្ចសង្គម”។
ក្នុងជំនួបពិភាក្សានេះ បញ្ហាស្តិពីបំណុលធានារ៉ាប់រងសង្គមសម្រាប់កម្មករ និយោជិក កែប្រែអាយុចូលនិវត្សគឺសុទ្ធតែបានតំណាងទាំងអស់យកចិត្តទុកដាក់។ អង្គប្រជុំបានសង្កត់ធ្ងន់ថា ការធានារ៉ាប់រងសង្គមជាបញ្ហាសំខាន់ពាក់ព័ន្ធផ្ទាល់ដល់ជីវភាពរបស់ប្រជាជន។ ដើម្បីសម្រេចបានគោលដៅដែលបានដាក់ចេញនោះត្រូវអនុវត្តព្រមៗគ្នារាល់ដំណោះស្រាយដោយមានការចូលរួមរបស់ប្រព័ន្ធនយោបាយទាំងមូលផងដែរ៕
តាម VOV5 - វិទ្យុសម្លេងវៀតណាម
