ចាប់ពីថ្ងៃទី ១៨ ដល់ថ្ងៃទី ២៥ ខែមីនា ក្រុមការងាររួមមានសហគ្រាស សហ ករណ៍ចំនួន ១៩ សមាគមកសិកម្មសរីរាង្គវៀតណាម (VOAA) និងអង្គការបណ្តុះ បណ្តាលកសិកម្មសរីរាង្គវៀតណាមនឹងទៅកាន់អូស្ត្រាលី ដើម្បីជួបធ្វើការដោយផ្ទាល់ ជាមួយសហគ្រាសនាំចូល និងអ្នកប្រើប្រាស់កសិផលសរីរាង្គវៀតណាមនៅអូស្ត្រាលី ក៏ដូចជាឧទ្ទេសនាម និងផ្សព្វផ្សាយម៉ាកយីហោកសិផលសរីរាង្គវៀតណាមនៅ ទីផ្សារអូស្ត្រាលីផងដែរ។
នាថ្ងៃទី ១៨ មិនា ដោយមានការចូលរួមរបស់សហគ្រាសនាំចូលជាច្រើននៅ ទីក្រុង ស៊ីដនី ក្រុមការងារនឹងរៀបចំកម្មវិធីឧទ្ទេសនាមអំពីឧត្តមភាពនៃផ្នែកកសិកម្ម សរីរាង្គវៀតណាម ក៏ដូចជាផ្សព្វផ្សាយរសជាតិឆ្ងាញ់នៃកសិផលសរីរាង្គវៀតណាម។ ផលិតផលសរីរាង្គជាច្រើនប្រភេទដែល ផលិតនៅប្រទេសវៀតណាមក៏នឹងត្រូវបាន ដាក់តាំងបង្ហាញនៅក្នុងព្រឹត្តិការណ៍នេះផងដែរដូចជា៖ អង្ករ នំបញ្ចុក ហ្វើ បាញ់ត្រាង ដូង ម្រេច គ្រឿងទេស អានីស តែ កាហ្វេ និងស្វាយចន្ទី។ សកម្មភាពនេះក៏នឹងប្រព្រឹត្ត ទៅនៅទីក្រុង Bairnsdale និងទីក្រុង Melbourne នៃរដ្ឋ Victoria នៅថ្ងៃទី ២៣ និង ២៥ ខែមីនា រៀងៗគ្នាផងដែរ។
ក្នុងអំឡុងពេលធ្វើទស្សនកិច្ចនៅអូស្ត្រាលី ក្រុមការងារវៀតណាមនឹងទៅ ទស្សនា និងសិក្សាគំរូកសិកម្មសរីរាង្គខ្នាតគ្រួសារ កសិដ្ឋាន សហគមន៍ និង អាជីវកម្មនៅទីក្រុង Canberra រដ្ឋ New South Wales រដ្ឋ Victoria កសិដ្ឋានចិញ្ចឹមមាន់ គោយកទឹកដោះ ដើមឈើហូបផ្លែ ស្រូវអង្ករ ទំពាំងបាយជូរសម្រាប់ដាំស្រា សូកូឡា និងបន្លែផ្លែឈើ៕
