ក្នុងពិធីនេះ លោកឧបនាយករដ្ឋមន្ត្រីបានអះអាងថា ទំនាក់ទំនងរវាងវៀតណាមនិងសហភាពអឺរ៉ុប (EU) គឺជាគំរូនៃកិច្ចសហប្រតិបត្តិការសន្តិភាព ហើយមានបំណងចង់អភិវឌ្ឍន៍ទំនាក់ទំនងទ្វេភាគីនេះកាន់តែស៊ីជម្រៅ។ វៀតណាមជានិច្ចកាលយកចិត្តទុកដាក់និងមានគោលបំណង ជំរុញនិងធ្វើឲ្យស៊ីជម្រៅថែមទៀតនូវទំនាក់ទំនងជាមួយ EU និងកិច្ចសហប្រតិបត្តិការវៀតណាម-EIB។ លោកឧបនាយករដ្ឋមន្ត្រីបានជម្រាបជូនថ្នាក់ដឹកនាំ EIB អំពីគម្រោងបៃតងដែលធនាគារអាចពិចារណាឧបត្ថម្ភឥណទានសម្រាប់ វៀតណាម ជាគម្រោងដែលនៅពេលអនុវត្ត នឹងកំណត់បរិមាណនៃការបំភាយឧស្ម័នដែលបានកាត់បន្ថយ។
ឧបនាយករដ្ឋមន្ត្រី Tran Hong Ha បានទទួលជួបលោកស្រី Nicola Beer អនុប្រធានធនាគារវិនិយោគអឺរ៉ុប (រូបថត៖ Van Diep/TTXVN)
ចំណែកលោកស្រី Nicola Beer បានឲ្យដឹងថា នាពេលខាងមុខ EIB នឹងផ្តោតលើការជំរុញខ្ទង់ប្រាក់កម្ចីអនុគ្រោះសម្រាប់គម្រោងហេដ្ឋារចនាសម្ព័ន្ធដឹកជញ្ជូនបៃតង ថាមពលបៃតង ការគាំទ្រការផ្លាស់ប្តូរបៃតង ការសម្អាតជាតិកាបូន និងការកាត់បន្ថយការបំភាយឧស្ម័នសម្រាប់សហគ្រាសធុនតូច និងមធ្យម ...។ ទន្ទឹមនឹងនោះ EIB បានអះអាងថា នឹងបន្តចែករំលែកបទពិសោធន៍ជាមួយដៃគូរបស់វៀតណាមក្នុងការកៀងគរធនធានហិរញ្ញវត្ថុបៃតង កសាងយន្តការលើកទឹកចិត្តនិងដំណោះស្រាយហិរញ្ញវត្ថុប្រកបដោយភាពច្នៃប្រឌិត ដើម្បីឧបត្ថម្ភគម្រោងថាមពលកកើតឡើងវិញ ការកាត់បន្ថយការបំភាយឧស្ម័ន និងការបន្សាំនឹងបម្រែបម្រួលអាកាសធាតុ៕
