ក្នុងជំនួបជាមួយអភិបាលរដ្ឋធានី Cairo លោក Nguyen Van Phong បានឧទ្ទេសនាមអំពីយន្តការ និងគោលនយោបាយទាក់ទាញវិនិយោគរបស់ទីក្រុងហាណូយ ហើយសង្ឃឹមថាអភិបាលទីក្រុង Cairo យកចិត្តទុកដាក់ និងគាំទ្ររដ្ឋធានីទាំងពីរ ឈានដល់ការចុះហត្ថលេខាលើអនុស្សរណៈយោគយល់គ្នា ស្តីពីការបង្កើតទំនាក់ទំនងសហប្រតិបត្តិការជាក់ស្តែង ក្នុងឱកាសរំលឹកខួបលើកទី ៦០ នៃការបង្កើតទំនាក់ទំនងការទូតរវាងវៀតណាម និងអេហ្ស៊ីបឆ្នាំ ២០២៣។ លោក Nguyen Van Phong បានស្នើឲ្យទីក្រុងហាណូយ និង Cairo ពិចារណាលើការជំរុញសកម្មភាពជួបប្រាស្រ័យ ផ្លាស់ប្តូរគណៈប្រតិភូគ្រប់ជាន់ថ្នាក់វាងភាគីទាំងពីរ សម្របសម្រួលរៀបចំព្រឹត្តិការណ៍ផ្លាស់ប្តូរវប្បធម៌ និងសិល្បៈនានា សំដៅលើកកំពស់កិច្ចសហប្រតិបត្តិការទ្វេភាគីរវាងរដ្ឋធានីទាំងពីរនាពេលខាងមុខ។

វាយតំលៃខ្ពស់ចំពោះមតិយោបល់ និងសំណូមពររបស់ទីក្រុងហាណូយ លោក Khaled Abdel A'al បានអះអាងថា Cairo បានត្រៀមខ្លួនជាស្រេច សហប្រតិបត្តិការកាន់តែជិតស្និទ្ធថែមទៀតជាមួយទីក្រុងហាណូយលើគ្រប់វិស័យ ជាពិសេសក្នុងការបង្កើតលក្ខខណ្ឌ សម្រាប់ភាគីទាំងពីរអាចឈានដល់ការចុះហត្ថលេខាលើឯកសារសហប្រតិបត្តិការជាផ្លូវការក្នុង ឆ្នាំ ២០២៣។

ក្នុងឱកាសនេះ អនុលេខាគណៈកម្មាធិការបក្សទីក្រុងហាណូយ លោក Nguyen Van Phong និងអភិបាលទីក្រុង Cairo លោក Khaled Abdel A'al បានចុះហត្ថលេខាលើកំណត់ហេតុនៃកិច្ចប្រជុំ ដោយឯកភាពថា ទីក្រុងហាណូយ និង Cairo នៅមានឱកាស និងសក្តានុពល់ជាច្រើនសម្រាប់កិច្ចសហប្រតិបត្តិការដែលចាំបាច់ត្រូវបានជំរុញយ៉ាងខ្លាំង នាពេលខាងមុខ៕