សម័យប្រជុំប្រធានបទ “ការទូតសាធារណៈក្នុងយុគសម័យឌីជីថល”។ រូបថត៖ vov

សម័យប្រជុំនេះស្ថិតក្នុងក្របខ័ណ្ឌនៃសន្និសីទការទូតលើកទី៣២ ហើយជាឱកាសសម្រាប់តំណាងក្រសួង ស្ថាប័ន និងស្ថានទូតវៀតណាមនៅឯបរទេស ជួបពិភាក្សាអំពីយន្តការ គោលនយោបាយនិងមធ្យោបាយក្នុងការកៀងគរធនធាន ក្នុងវិស័យការទូតវប្បធម៌នាពេលខាងមុខ។

នៅក្នុងជំនួបនេះ តំណាងស្ថានទូត និងស្ថានកុងស៊ុលវៀតណាមនៅបរទេសបានចែករំលែកបទពិសោធន៍របស់បណ្តាប្រទេសក្នុងវិស័យការទូតសាធារណៈជនលើវេទិកាឌីជីថល។ ទន្ទឹមនឹងនោះ ក្រសួង ស្ថាប័ននានាក៏បានវាយតំលៃលើតថភាពជាក់ស្តែងនៃការពង្រាយព័ត៌មានកិច្ចការបរទេស វិភាគការលំបាក ដកមេរៀនសម្រាប់វៀតណាម ព្រមទាំងផ្តល់អនុសាសន៍ក្នុងការប្រមូលផ្តុំធនធាន និងលើកកំពស់គុណភាពផលិតផលឌីជីថល លើកកំពស់ឋានៈរបស់វៀតណាម។ កិច្ចប្រជុំក៏បានពិភាក្សាអំពីយន្តការ គោលនយោបាយ និងមធ្យោបាយដើម្បីកៀរគរធនធានក្នុងវិស័យការទូតវប្បធម៌នាពេលខាងមុខផងដែរ៕