ក្នុងសន្និសីទសារព័ត៌មានប្រចាំខែមិថុនារបស់រដ្ឋាភិបាលដែលបានធ្វើឡើងកាលពីម្សិលមិញ ថ្ងៃទី ៤ ខែកក្កដា នៅទីក្រុងហាណូយ ថ្នាក់ដឹកនាំក្រសួងផែនការនិងវិនិយោគបានឲ្យដឹងថា៖ ឆមាសទី ១ ឆ្នាំ ២០២៣ បានបើកចំណាយថវិកាវិនិយោគសាធារណៈប្រមាណ ៩,២ ពាន់លានដុល្លារអាមេរិក។ ចាប់ពីពេលនេះរហូតដល់ដំណាច់ឆ្នាំ បរិមាណទុន ចាំបាច់ត្រូវបើកចំណាយគឺមានប្រមាណ ៣០ ពាន់លានដុល្លារអាមេរិក។
យោងតាមអនុរដ្ឋមន្ត្រីក្រសួងផែនការ និងវិនិយោគ លោក Tran Quoc Phuong បានឲ្យដឹងថានាបច្ចុប្បន្ន ផែនការទុនវិនិយោគសារធារណៈឆ្នាំ ២០២៣ មានទំហំច្រើន។ នេះគឺជាភារកិច្ចដ៏ធ្ងន់ធ្ងរសម្រាប់ឆមាសទី ២។ អនុរដ្ឋមន្ត្រី Tran Quoc Phuong បានសង្កត់ធ្ងន់ថា៖ “លទ្ធផលនៃការបើកចំណាយថវិកានាំប៉ុន្មានឆ្នាំថ្មីៗនេះគឺសម្រេចបានជាង ៩០ %។ នោះហើយជាមូលដ្ឋាន ដែលយើងមានទំនុកចិត្តសម្រេចបានគោលដៅក្នុងឆ្នាំ ២០២៣ ដែលត្រូវបានលោកនាយករដ្ឋមន្ត្រីដាក់ចេញ។ ទន្ទឹមនឹងនោះក្រោមការដឹកនាំរបស់លោកនាយករដ្ឋមន្ត្រី គម្រោងធំៗ និងគម្រោងសំខាន់ៗអំពីផ្លូវគមនាគមន៍ត្រូវបានបើកការដ្ឋានសាងសង់។ នេះគឺជាសញ្ញាដ៏ល្អ”។
លោក អនុរដ្ឋមន្ត្រី Tran Quoc Phuong ក៏បានឲ្យដឹងថានានាពេលថ្មីៗនេះ សម័យប្រជុំរដ្ឋាភាបានសម្រេចចិត្តជួយដោះស្រាយការលំបាកក្នុងការបើកចំណាយថវិកាវិនិយោគសាធារណៈ ដើម្បីជួយសម្រួលដល់ការអនុវត្តន៍គម្រោងនានាដល់ដំណាច់ឆ្នាំផងដែរ៕
