នារសៀលថ្ងៃទី១ ខែមករា ឆ្នាំ២០១៨ ក្រុមភ្ញៀវដំបូងចំនួន៩នាក់ក្នុងចំណោមភ្ញៀវ ទេសចរវៀតណាមទៅអេហ្ស៊ីប បានវិលត្រឡប់មកដល់ព្រលានយន្តហោះ អន្តរជាតិ Tan Son Nhat ទីក្រុងហូជីមិញវិញ។

តំណាងស្ថាប័នសមត្ថកិច្ចនិងក្រុមហ៊ុន Saigontourist សាកសួរសុខទុក្ខភ្ញៀវទេសចរបន្ទាប់ពីវិលឮត្រឡប់មកដល់ទីក្រុងហូជីមិញវិញ (រូបថត៖ TTXVN)

តំណាងក្រុមហ៊ុនសេវាទេសចរណ៍ Saigontourist បានអោយដឹងថា ក្រោយរយៈពេល៣ថ្ងៃខិតខំប្រឹងប្រែងអនុវត្តន៍គ្រប់វិធានការបន្ទាន់ ព្រមទាំងមានកិច្ចសហការយ៉ាងស្អិតរមួតរបស់ក្រុមការងាររួមមានថ្នាក់ដឹកនាំមន្ទីរទេសចរណ៍ទីក្រុងហូជីមិញនិងក្រុមហ៊ុន Saigontourist នោះ ក្រុមភ្ញៀវដំបូងបានវិលត្រឡប់ មកប្រទេសវិញប្រកបដោយសុវត្ថិភាពក្នុងរយៈពេលខ្លីបំផុត។

តំណាងក្រុមហ៊ុន Saigontourist បានអោយដឹងថែមទៀតថា ភ្ញៀវរងរបួសចំនួន៣ នាក់ដែលកំពុងព្យាបាលនៅមន្ទីរពេទ្យ Sheikh Zayed Specialized Hospital នោះ សុទ្ធតែមានការសះស្បើយយ៉ាងល្អប្រសើរ ហើយអាចវិលត្រឡប់ មកវៀតណាមវិញនាចុងសប្ដាហ៍ដែរ។ ក្រុមហ៊ុននេះក៏បានចាត់បុគ្គលិកស្នាក់នៅមន្ទីរពេទ្យរួមជាមួយក្រុមគ្រួសាររបស់ជនរងរបួស ផងដែរ៕

តាម VOV5 - វិទ្យុសម្លេងវៀតណាម