នៅថ្ងៃទី ២០ ខែឧសភា រដ្ឋមន្ត្រី ហិរញ្ញវត្ថុ និងអភិបាលធនាគារកណ្តាលនៃក្រុមប្រទេសឧស្សាហកម្មអភិវឌ្ឍន៍ឈានមុខគេ របស់ពិភព លោក (G7) បានសន្យាថា នឹងតាមដានយ៉ាងដិតដល់ លើទីផ្សារ បន្ទាប់ពីការប្រែប្រួលនាពេលថ្មីៗនេះ ហើយក្នុងពេលជាមួយគ្នានេះបញ្ជាក់ ពីការប្តេជ្ញាចិត្តដែលបានធ្វើឡើងលើអត្រាប្តូរប្រាក់។

នៅក្នុងសេចក្តីប្រកាសរួមដែលបានចេញផ្សាយបន្ទាប់ពីកិច្ចប្រជុំនៅទីក្រុង Koenigswinter (ប្រទេសអាល្លឺម៉ង់) មន្ត្រីធនាគារ និងហិរញ្ញវត្ថុ G7 បានបញ្ជាក់ថា នឹងបន្តត្រួតពិនិត្យទីផ្សារយ៉ាងប្រុងប្រយ័ត្ន និងបញ្ជាក់ឡើងវិញនូវការប្តេជ្ញាចិត្តរបស់ខ្លួនលើអត្រាប្តូរប្រាក់ដែលបានចេញកាលពីខែឧសភា ឆ្នាំ ២០១៧។

នៅថ្ងៃដដែល រដ្ឋមន្ត្រីសុខាភិបាល G7 បានយល់ព្រមលើសន្ធិសញ្ញាមួយដែលផ្តោតលើកិច្ចសហប្រតិបត្តិការក្នុងការឃ្លាំមើល និងការឆ្លើយតបយ៉ាងឆាប់រហ័ស ដើម្បីកែលម្អសមត្ថភាពទប់ទល់នឹងហានិភ័យនៃការរីករាលដាលនៃជំងឺរាតត្បាតនាពេលអនាគត។

សេចក្តីថ្លែងប្រកាសរួមបានបញ្ជាក់ថា G7 ប្តេជ្ញាបង្កើនការរួមចំណែកជាកាតព្វកិច្ចដល់អង្គការសុខភាពពិភពលោក (WHO) ចំនួន ៥០% នៅឆ្នាំ ២០៣០-២០៣១ ដើម្បីពង្រឹងតួនាទីដឹកនាំរបស់ក្រុមនៅទូទាំងពិភពលោក។

នៅក្នុងកិច្ចប្រជុំនេះ រដ្ឋមន្ត្រីសុខាភិបាល G7 ក៏បានសន្យាថានឹងកសាងប្រព័ន្ធសុខភាពប្រកបដោយនិរន្តរភាពបរិស្ថាន និងអព្យាក្រឹតកាបូននៅឆ្នាំ ២០៥០៕