ក្នុងឱកាសរំលឹកខួបលើកទី ៧០ នៃទិវាជ័យជំនះ Dien Bien Phu ទីភ្នាក់ងារសារព័ត៌មានវៀតណាម (VNA) បានរៀបចំការតាំងពិព័រណ៍រូបថតអនឡាញជាបីភាសា គឺវៀតណាម អង់គ្លេស និងបារាំង ដើម្បីណែនាំអំពីរយៈពេល ៥៦ ទាំងថ្ងៃទាំងយប់តស៊ូរបស់កងទ័ព និងប្រជាជន ដើម្បីបង្កើតជ័យជំនះDien Bien Phu ដែល "ល្បីល្បាញនៅទ្វីបទាំងប្រាំ ធ្វើឲ្យកក្រើកផែនដី" វាយកម្ទេចក្រុមបន្ទាយ Dien Bien Phu បង្កើតរបត់ប្រវត្តិសាស្ត្រដែលផ្លាស់ប្តូរទាំងស្រុងនូវស្ថានភាពនៅសមរភូមិ ហើយបង្ខំឱ្យអាណានិគមនិយមបារាំងចុះហត្ថលេខាលើកិច្ចព្រមព្រៀងទីក្រុងហ្សឺណែវ ស្តីពីការបញ្ចប់សង្រ្គាម និងបង្កើតឡើងវិញសន្តិភាពនៅឥណ្ឌូចិន។ ទន្ទឹមនឹងនោះ ការតាំងពិព័រណ៌នេះក៏បានណែនាំនូវ Dien Bien Phu ផ្លាស់ប្តូរថ្មី បន្ទាប់ពីសង្គ្រាមឆ្នាំ ១៩៥៤ ដោយហេតុនេះបញ្ជាក់ថា ការសម្រេចចិត្តបើកយុទ្ធនាការ Dien Bien Phu ដែលជាការសម្រេចចិត្តដ៏មានសារៈសំខាន់ជាប្រវត្តិសាស្ត្រ បង្ហាញពីចក្ខុវិស័យយុទ្ធសាស្ត្រត្រឹមត្រូវ និងឆ្លាតវៃរបស់បក្ស ការិយាល័យនយោបាយដែលដឹកនាំដោយលោកប្រធាន Ho Chi Minh ។ ការតាំងពិព័រណ៌រួមមាន រូបថតស-ខ្មៅ និងពណ៌ពិសេសចំនួន ៧០ សន្លឹកដែលបានជ្រើសរើសចេញពីរូបថត\ឯកសាររូបថត ក្នុងឃ្លាំងរក្សាឯកសាររូបថតជាតិរបស់ VNA ។ ម៉្យាងទៀត នេះបានឧទ្ទេសនាមដល់មហាជនអំពីគ្រាវីរៈភាពនៃយុទ្ធនាការ Dien Bien Phu និងការផ្លាស់ប្តូរថ្មីលើទឹកដីប្រវត្តិសាស្ត្រ Dien Bien បន្ទាប់ពីរយៈពេល ៧០ ឆ្នាំ។
- ផ្នែកទី ១៖ ជ័យជំនះ Dien Bien Phu “ល្បីល្បាញនៅទ្វីបទាំងប្រាំ ធ្វើឲ្យកក្រើកផែនដី” រួមមានរូបថតសខ្មៅចំនួន ៣២ សន្លឹក ពិនិត្យមើលយុទ្ធនាការ Dien Bien Phu ទាំងមូល ចាប់ពីគ្រាដែលលោកប្រធាន Ho Chi Minh និងគណៈកម្មាធិការមជ្ឈិមបក្សសម្រេចបើកសង្គ្រាមរដូវរងា - និទាឃរដូវឆ្នាំ ១៩៥៣ - ១៩៥៤ និងយុទ្ធនាការ Dien Bien Phu រហូតដល់ដំណើរការរៀបចំដ៏ហ្មត់ចត់សម្រាប់យុទ្ធនាការដោយអង្គភាពកងទ័ព យុវជនស្ម័គ្រចិត្ត និងជនស៊ីវិលជួរមុខ ធានានូវកម្លាំងមនុស្សនៅកម្រិតខ្ពស់បំផុត ការប្តេជ្ញាសម្រាប់ការបំផ្លាញបន្ទាយ រូបថតពិសេសនៃកងទ័ពរបស់យើងក្នុងសមរភូមិដ៏តានតឹង តាំងពីដើមយុទ្ធនាការរហូតដល់ថ្ងៃជ័យជំនះ៖ ភ្នំ Him Lam Doc Lap មូលដ្ឋានលេខ ២០៦ ភ្នំ C ភ្នំ D ភ្នំ A1 អាកាសយានដ្ឋាន Muong Thanh ... និងរូបភាពរបស់កងទ័ពយើងលើកទង់ជ័យជំនៈនៅលើដំបូលនៃលេណដ្ឋានបញ្ជានៃក្រុមបន្ទាយនៅរសៀល ថ្ងៃទី ៧ ខែឧសភា ឆ្នាំ ១៩៥៤; រូបភាពទីបញ្ជាការក្រុមបន្ទាយ និងកងទ័ពបារាំងលើកទង់ពណ៌ស សូមចាញ់ និងបញ្ចប់យុទ្ធនាការជាមួយរូបថតដ៏រំជួលចិត្ត "លោកប្រធាន Ho Chi Minh បានប្រគល់ផ្លាកសញ្ញា "យុទ្ធជន Dien Bien Phu " ដល់យុទ្ធជនដែលមានស្នាដៃឆ្នើមក្នុងយុទ្ធនាការនេះ "។
- ផ្នែកទី ២៖ "Dien Bien អភិវឌ្ឍ" រួមមានរូបថតពណ៌ចំនួន ៣៨ សន្លឹក នាំយករូបភាពនៃ Dien Bien ដែលកំពុង "ផ្លាស់ប្តូរមុខមាត់" ពីមួយថ្ងៃទៅមួយថ្ងៃដោយសារតែការយកចិត្តទុកដាក់របស់បក្សនិងរដ្ឋ។ Him Lam, Doc Lap, A1, C1, D1... ពោរពេញដោយស្លាកស្នាមគ្រាប់បែកកាលពីអតីតកាល ឥឡូវនេះបានកម្លាយជាផ្លូវដ៏ទំនើបទៅកាន់បុរីធំទូលាយនៃទីក្រុង Dien Bien ។ អាកាសយានដ្ឋាន Muong Thanh សព្វថ្ងៃនេះបានក្លាយទៅជាអាកាសយានដ្ឋាន Dien Bien ដែលមានសមត្ថភាពទទួលយន្តហោះ Airbus A៣២១ ដ៏ទំនើប និងធំ។ ទីក្រុង Dien Bien បាននឹងកំពុងលើកកម្ពស់ភាពខ្លាំងខាងវប្បធម៌ និងប្រវត្តិសាស្ត្ររបស់ខ្លួន ដើម្បីទាក់ទាញភ្ញៀវទេសចរមកពីគ្រប់ទិសទីឱ្យមកទស្សនា ស្វែងយល់អំពីទឹកដីដែលកាលពី ៧០ ឆ្នាំមុនបានមានប្រវត្តិសាស្ត្រដ៏រុងរឿងរបស់ប្រទេសជាតិ និងពិភពលោក./.