នាព្រឹកថ្ងៃទី ២១ មីនា នៅក្នុងបរិវេណប្រាសាទអង្គរវត្ត ព្រះមហាក្សត្រកម្ពុជា ព្រះបាទនរោត្តម សីហមុនី ទ្រង់បានយាងប្រោសព្រះរាជទាន ព្រះអគ្គិភ័យកីឡា ចាប់ផ្ដើមពិធីរត់ភ្លើងគប់កីឡាក្នុងព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម ៣២) លើដំណើរជុំវិញតំបន់អាស៊ីអាគ្នេយ៍។ នាយករដ្ឋមន្រ្តីកម្ពុជា សម្តេចតេជោ ហ៊ុន សែន រដ្ឋមន្ត្រីក្រសួងការពារជាតិ សម្ដេច ទៀ បាញ់ និងរដ្ឋមន្ត្រីក្រសួងមហាផ្ទៃសម្ដេច ស ខេង រួមជាមួយតំណាងក្រុមកីឡាមកពីបណ្តាប្រទេសអាស៊ានបានអញ្ជើញចូលរួមពិធីនេះ។
ពិធីដុតបំភ្លឺភ្លើងគប់ត្រូវបានធ្វើឡើងនៅមុខប្រាសាទអង្គរវត្តដ៏ល្បីល្បាញនៅពេលដែលព្រឹត្តិការណ៍កីឡាស៊ីហ្គេមលើកទី៣២នឹងបើកក្រោយរយៈពេលតែ៤៥ថ្ងៃទៀតប៉ុណ្ណោះ។ បន្ទាប់ពីត្រូវបានដុតបំភ្លឺរួច ភ្លើងគប់កីឡាស៊ីហ្គេម ត្រូវបានកីឡាករកម្ពុជា ៩ នាក់រត់ដង្ហែជុំវិញឧទ្យានបុរាណវិទ្យាអង្គរ។ តាមការគ្រោងទុក ភ្លើងគប់នឹងចាកចេញពីប្រទេសកម្ពុជានៅថ្ងៃទី២២ ខែមីនា ដើម្បីធ្វើដំណើរជុំវិញប្រទេសនានាក្នុងតំបន់អាស៊ីអាគ្នេយ៍ ហើយត្រឡប់មកកម្ពុជាវិញនៅថ្ងៃទី២៧ ខែមេសា។
ស៊ីហ្គេមលើកទី៣២ នឹងប្រព្រឹត្តិទៅនៅរាជធានីភ្នំពេញ និងមូលដ្ឋានចំនួន៤ទៀតនៅប្រទេសកម្ពុជា ចាប់ពីថ្ងៃទី៥ ដល់ទី ១៧ ខែឧសភា។ ព្រឹត្តិការណ៍នេះមានប្រភេទកីឡាចំនួន ៣៧ (ប្រភេទផ្លូវការចំនួន ៣៦ និងប្រភេទសម្ដែង ១) ជាមួយនឹងវិញ្ញាសាជិត ៦០០៕
