នាយករដ្ឋមន្ត្រីវៀតណាម លោក Nguyen Xuan Phuc អញ្ជើញទទួលជួបពិភាក្សាជាមួយលោកបណ្ឌិត Kidong Park ប្រធានតំណាងអង្គការសុខភាពពិភពលោក (WHO) ប្រចាំនៅវៀតណាម (រូបថតៈ VGP/Quang Hieu)
 

នាព្រឹកថ្ងៃទី១៤ ខែមីនា ឆ្នាំ​២០២០ នៅទីក្រុងហាណូយ នាយករដ្ឋមន្ត្រីវៀតណាម លោក Nguyen Xuan Phuc បាន​អញ្ជើញ​ទទួលជួបពិភាក្សាជាមួយលោកបណ្ឌិត Kidong Park ប្រធានតំណាងអង្គការសុខភាពពិភពលោក (WHO) ប្រចាំ​នៅវៀតណាម។
 
ក្នុងជំនួប​នេះ នាយករដ្ឋមន្រ្តី លោក Nguyen Xuan Phuc បានវាយ​តម្លៃ​ខ្ពស់​ចំពោះការ​ខិត​ខំប្រឹង​ប្រែង​និង​ការ​ចូល​រួមចំណែករបស់ WHO សម្រាប់វៀតណាមនិងបុគ្គល់លោកប្រធានតំណាងផ្ទាល់ ក្នុង​ការ​ផ្តល់​ប្រឹក្សា​យោបល់​​គោលនយោបាយនិងជំនួយបច្ចេកទេស ដល់ប្រទេសវៀតណាមក្នុងរយៈពេលកន្លងមក។ លោកនាយក​រដ្ឋមន្ត្រីបានលើកច្បាស់ថា វៀតណាមបានម្ចាស់ការ និងអនុវត្តន៍ដោយព្រមៗ​គ្នាក្នុង​ការបង្ការ​និង​ទប់​ស្កាត់ជំងឺឆ្លង ដោយគៀងគរប្រព័ន្ធនយោបាយទាំងមូល រួមទាំង​មាន​ការ​ចូល​រួម​របស់​កម្លាំង​ទ័ព​និង​នគរ​បាលផងដែរ។ វៀតណាមជានិច្ចកាលប្រកាន់ខ្ជាប់នូវគោលជំហរ​បើកចំហ​និងតម្លាភាព​ក្នុងដំណើរ​ការប្រឆាំង​នឹងជំងឺឆ្លង។  ម្យ៉ាងវិញទៀត វៀតណាមតែងតែខិតខំប្រឹងប្រែង​ដើម្បីធានា​ការបង្ការ​និងទប់ស្កាត់​នៃជំងឺរាត​ត្បាតប្រកបដោយប្រសិទ្ធភាពទន្ទឹមនឹងការអភិវឌ្ឍន៍សេដ្ឋកិច្ចសង្គម។
 
ចំណែកឯលោក​ Kidong Park បានវាយតម្លៃខ្ពស់ ចំពោះការចូល​រួមដោយ​ស្មារតី​សកម្ម​និង​ខ្លាំង​ក្លារ​បស់​រដ្ឋាភិបាល​វៀត​ណាម ហើយបាននិយាយថា ប្រទេសវៀតណាមនៅតែជាគោលដៅមានសុវត្ថិភាព។ WHO មានការចាប់​អារម្មណ៍យ៉ាងខ្លាំងចំពោះកិច្ចសហប្រតិបត្តិការរបស់ប្រជាជន វៀតណាមទាំងអស់ ក្នុង​ការ​ការពារ​និង​ទប់ស្កាត់ជំងឺឆ្លង COVID-19។ លោក Kidong Park បានសន្យា សហការ​យ៉ាង​ជិត​ស្និទ្ធ​ជាមួយ​ក្រសួង​សុខាភិបាល​វៀត​ណាម​ ដោ​យ​គៀរគរជាអតិបរមាប្រ​ភ​ពធនធាន ដើម្បីគាំទ្រដល់​ប្រទេសវៀតណាម៕
 

តាម VOV5 - វិទ្យុសំឡេងវៀតណាម​