វេទិកាសេដ្ឋកិច្ចពិភពលោក (WEF) ទើបនឹងបានប្រកាសប្រធានបទនៃ WEF Davos ២០២០ គឺការចូលរួមជាមួយគ្នាដើម្បីពិភពលោកមួយប្រកបដោយភាពស្អិតរមួត និងនិរន្តរភាព។

លោកសាស្រ្តាចារ្យ Klaus Schwab ស្ថាបនិក និងជាប្រធាននាយកប្រតិបត្តិ នៃ WEF (រូប​ថត៖ vnanet.vn)

WEF ប្រចាំឆ្នាំ លើកទី ៥០ គ្រោងនឹងធ្វើឡើងចាប់ពីថ្ងៃទី ២១ ដល់ថ្ងៃទី ២៤ ខែមករា ឆ្នាំ២០២០ នៅទីក្រុងដាវ៉ូស នៃប្រទេសស្វីស ដោយមានការចូលរួមពីប្រតិភូប្រមាណ ៣.០០០ នាក់មកពីជុំវិញពិភពលោក ក្នុងបំណងជួយគាំទ្ររដ្ឋាភិបាល និងអង្គការអន្តរជាតិនានា ក្នុងការឃ្លាំមើលការអនុវត្តកិច្ចព្រមព្រៀងទីក្រុងប៉ារីសស្តីពីការប្រែប្រួលអាកាសធាតុ គោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ ហើយជួយ សម្រួលសម្រាប់ការពិភាក្សានានាលើវិស័យបច្ចេកវិទ្យា និងអភិបាលកិច្ចពាណិជ្ជកម្ម។

យោងតាមគេហទំព័រ financialexpress.com កិច្ចប្រជុំលើកដំបូងរបស់ WEF Davos នៅឆ្នាំ១៩៧១ ត្រូវបានរៀបចំឡើងក្នុងបំណងពង្រីកគំនិតផ្តួចផ្តើមរបស់លោកសាស្រ្តាចារ្យ Klaus Schwab ដែលជាស្ថាបនិក និងជាប្រធាននាយកប្រតិបត្តិនៃ WEF ដែលក្នុងនោះ សហគ្រាសគួរតែបម្រើដល់ភាគពាក់ព័ន្ធទាំងអស់ (អតិថិជន បុគ្គលិក សហគមន៍ និងម្ចាស់ហ៊ុន) ។ នេះក៏ជាគោលដៅដែល WEF ចង់រួមចំណែកដល់ពិភពលោកក្នុងរយៈពេល ៥០ ឆ្នាំខាងមុខ៕

តាមកាសែតកងទ័ពប្រជាជនអនឡាញ