យោងតាមអត្ថបទនោះ ចាប់តាំងពីចូលជាសមាជិកនៃអង្គការសហប្រជាជាតិជាផ្លូវការនៅខែកញ្ញា ឆ្នាំ ១៩៧៧ វៀតណាមបានរួមចំណែកយ៉ាងមានប្រសិទ្ធភាពក្នុងសកម្មភាពរបស់អង្គការសហប្រជាជាតិក្នុងការកសាងសន្តិភាព ការអភិវឌ្ឍន និងការធានាសិទ្ធិមនុស្ស។ នៅខែតុលា ឆ្នាំ២០០៧ វៀតណាមបានជាប់ឆ្នោតជាលើកដំបូងជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិសម្រាប់អាណត្តិ ឆ្នាំ ២០០៨-២០០៩ ដោយសំឡេងគាំទ្រ ១៨៣ លើ ១៩០ សំឡេង។ អត្រានៃសំឡេងគាំទ្រវៀតណាមក្លាយជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខសម្រាប់អាណត្តិ ២០២០-២០២១ ក៏ស្ទើរតែទាំងស្រុងដែរ។ ទន្ទឹមនឹងការចូលរួមក្រុមប្រឹក្សាសិទ្ធិមនុស្ស និងក្រុមប្រឹក្សាសេដ្ឋកិច្ច -សង្គមរបស់អង្គការសហប្រជាជាតិ (ECOSOC) វៀតណាមបានផ្សព្វផ្សាយយ៉ាងសកម្មនូវអនុសញ្ញាអង្គការសហប្រជាជាតិប្រឆាំងនឹងការធ្វើទារុណកម្ម ឬការដាក់ទណ្ឌកម្មដ៏ឃោរឃៅ អមនុស្សធម៌ ដោយលុបបំបាត់ទម្រង់នៃការរើសអើងប្រឆាំងនឹងស្ត្រី… សមាជិកអង្គការសហប្រជាជាតិជាទូទៅទទួលស្គាល់តួនាទីសំខាន់របស់វៀតណាមក្នុងការជំរុញការតស៊ូដើម្បីឯករាជ្យជាតិ អធិបតេយ្យភាព និងការស្វ័យសម្រេច។

យោងតាមអត្ថបទនោះ ផ្នែកសំខាន់គោលនយោបាយរបស់វៀតណាមក្នុងការបើកទូលាយ និងតភ្ជាប់ជាមួយពិភពលោកគឺការត្រៀមជាស្រេច ដើម្បីទទួលបានសំឡេង និងជំហរដ៏លេចធ្លោនៅអង្គការសហប្រជាជាតិ ដែលបង្ហាញយ៉ាងច្បាស់លាស់ តាមរយៈការខិតខំប្រឹងប្រែងរបស់វៀតណាមដោយជោគជ័យនៅពេលចូលរួមក្នុងសកម្មភាពរក្សាសន្តិភាពរបស់អង្គការសហប្រជាជាតិក្នុង ដើមឆ្នាំ ២០១៤។ អត្ថបទបានបញ្ជាក់ថា បេក្ខភាពរបស់វៀតណាមសម្រាប់ក្រុមប្រឹក្សាសិទ្ធិមនុស្សនឹងរួមចំណែកធ្វើឲ្យការចូលរួមរបស់វៀតណាមកាន់តែស៊ីជម្រៅក្នុងប្រព័ន្ធអន្តរជាតិ៕