• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

My Khe ជាប់ចំណាត់ថ្នាក់ឆ្នេរសមុទ្រស្អាតបំផុតទាំង ១០ នៅអាស៊ី ឆ្នាំ ២០២៣

នៅក្នុងបញ្ជីឈ្មោះឆ្នេរសមុទ្រស្អាតបំផុតទាំង ១០ នៅអាស៊ីក្នុងឆ្នាំ ២០២៣ ដោយគេហទំព័រពិនិត្យនិងកក់ការធ្វើដំណើរ Tripadvisor ទើបបានប្រកាស ឆ្នេរសមុទ្រ My Khe នៅ Da Nang គឺជាឆ្នេរតែមួយគត់នៅក្នុងប្រទេសវៀតណាមដែលជាប់ចំណាត់ថ្នាក់លេខ ៨។
ទេសភាពនៃឆ្នេរសមុទ្រ My Khe មើលឃើញពីខាងលើ។ (រូបថត៖ Ngo Anh/Instagram)

នៅលើ Tripadvisor អ្នកប្រើប្រាស់ Jonathan Chan (អាមេរិក) បានបន្សល់ទុកនូវមតិមួយកាលពីខែកុម្ភៈ ឆ្នាំ ២០២៣ អំពីឆ្នេរសមុទ្រ My Khe ដូចតទៅ៖ ខ្សាច់គឺល្អខ្លាំងណាស់ ឆ្នេរមានសំបកខ្យងជាច្រើន រលកមានភាពស្ងប់ស្ងាត់ ដូច្នេះ ទីនេះជាឆ្នេរសមុទ្រល្អសម្រាប់ហែលទឹក។ មានកន្លែងលក់ភេសជ្ជៈជាច្រើនកន្លែង ឬកៅអីក្រោមម្លប់។ មានភ្នាក់ងារជួយសង្គ្រោះនៅតាមឆ្នេរសមុទ្រ។ ទេសភាពជុំវិញឆ្នេរគឺអស្ចារ្យណាស់។ ក្នុងឆ្នាំ ២០១៩ ភ្ញៀវទេសចរម្នាក់ឈ្មោះ Appan Majumdar មកពីប្រទេសម៉ាឡេស៊ីបានផ្តល់ចំណាត់ថ្នាក់ផ្កាយ ៥ ដល់ឆ្នេរ My Khe។ គាត់បានទុកមតិយោបល់ចំនួន ១.២២៨ពាក្ស ដែលរៀបរាប់លម្អិតអំពីកន្លែងដែលគាត់ប្រាថ្នាថា គាត់អាចស្នាក់នៅបានយូរ។ បើតាមលោករូបនេះ នេះជាឆ្នេរស្អាតបំផុតមួយដែលលោកធ្លាប់ទៅលេងនៅអាស៊ីអាគ្នេយ៍។ ឆ្នេរសមុទ្រ My Khe មិនមានមនុស្សច្រើនទេ ត្រូវបានគ្រប់គ្រងយ៉ាងល្អ ហើយពិតជាស្អាតខ្លាំងណាស់។ ចំណុចលេចធ្លោមួយទៀតដែលភ្ញៀវរូបនេះលើកឡើងនៅដើមអធិប្បាយគឺសមុទ្រស្អាត។ "អ្នកអាចមុជទឹកដោយគ្មានកាកសំណល់ប្លាស្ទិក" ឡើយ៕

តាម​ VOV5 - វិទ្យុសម្លេងវៀតណាម

លោកប្រធានរដ្ឋ To Lam  អញ្ជើញទៅបំពេញទស្សនកិច្ចជាផ្លូវរដ្ឋ នៅប្រទេសកម្ពុជា

លោកប្រធានរដ្ឋ To Lam អញ្ជើញទៅបំពេញទស្សនកិច្ចជាផ្លូវរដ្ឋ នៅប្រទេសកម្ពុជា

នៅរសៀលថ្ងៃទី១២ ខែកក្កដា ឆ្នាំ២០២៤នេះ លោកប្រធានរដ្ឋ​ To Lam បានអញ្ជើញមកដល់អាកាសយានដ្ឋានអន្តរជាតិភ្នំពេញហើយ ដើម្បីបំពេញទស្សនកិច្ចផ្លូវរដ្ឋ រយៈពេល ២ ថ្ងៃនៅកម្ពុជា។ ដំណើរទស្សនកិច្ចរបស់លោកប្រធានរដ្ឋ To Lam នៅថ្ងៃទី១២ និងថ្ងៃទី១៣ ខែកក្កដា ឆ្នាំ២០២៤នេះ គឺតបតាមការអញ្ជើញរបស់ព្រះករុណា ព្រះមហាក្សត្រកម្ពុជា។

Top