ក្នុងពេលជាមួយគ្នានោះ សភាពាណិជ្ជកម្មអឺរ៉ុបនៅវៀតណាម (Eurocham) បានប្រកាសថា ស្នងការអឺរ៉ុបទទួលបន្ទុកពាណិជ្ជកម្ម លោក Maroš Šefčovič និងស្នងការអឺរ៉ុបទទួលបន្ទុកភាពជាដៃគូអន្តរជាតិ លោក Jozef Síkela ក៏គ្រោងនឹងធ្វើទស្សនកិច្ចនៅវៀតណាមនៅខែមេសាខាងមុខផងដែរ។
យោងតាមទូរទស្សន៍ Euronews ការដែលមន្ត្រីអឺរ៉ុបផ្តោតលើការលើកកម្ពស់ទំនាក់ទំនងពាណិជ្ជកម្មជាមួយវៀតណាមគឺមកពីកត្តាសំខាន់ពីរ។ ទីមួយ វៀតណាមជាដៃគូពាណិជ្ជកម្មធំបំផុតរបស់សហភាពអឺរ៉ុប (EU) ក្នុងសមាគមប្រជាជាតិអាស៊ីអាគ្នេយ៍ (អាស៊ាន)។ ប្រទេសដែលមានចំនួនប្រជាជនជាង ១០០ លាននាក់នេះ នឹងក្លាយជាស្ពានមួយដើម្បីជួយអឺរ៉ុបពង្រីកទីផ្សាររបស់ខ្លួននៅក្នុងតំបន់។
ចែករំលែកជាមួយ Euronews អនុប្រធាន Eurocham លោក Jean-Jacques Bouflet បានឲ្យដឹងថា ក្រុមហ៊ុនអឺរ៉ុបជាច្រើនចង់បង្កើតសាខានៅវៀតណាម ដើម្បីទទួលបានអត្ថប្រយោជន៍ពីកម្លាំងពលកម្មដែលមានលក្ខណៈប្រកួតប្រជែងខ្ពស់នេះ៕
