យោងតាមរបាយការណ៍នៅលើគេហទំព័រនេះ ការស៊ុតបញ្ចូលទីចំនួន​ពីរគ្រាប់ដោយ​កីឡាករ Nguyen Xuan Son បានជួយវៀតណាមយក​ឈ្នះ ២-០ ទល់នឹងក្រុម​ម៉ាឡេស៊ីក្នុងជើងទីពីរនៃវគ្គពាក់កណ្តាលផ្តាច់ព្រ័ត្រនៅទីក្រុងហាណូយនៅថ្ងៃទី ១៩ ខែសីហា តាមនោះ ធានាបាននូវជ័យជម្នះសរុប ៤-០ សម្រាប់ក្រុមការពារតំណែងជើងឯក។ ASEAN United FC បានវិភាគចំណុចរបត់នៃការប្រកួត ដែលបានកើតឡើងនៅនាទី ៥៩ នៅពេលដែលគ្រូបង្វឹក Kim Sang Sik បានប្តរ Xuan Son ចូលទៅក្នុងទីលាន​។ ត្រឹមតែ ៣​ នាទីក្រោយមក ការសម្រេចចិត្តនេះបានបង្ហាញពីប្រសិទ្ធភាព បណ្តាលឱ្យអ្នកគាំទ្រ​នៃក្រុម​ម្ចាស់ផ្ទះ ផ្ទុះអារម្មណ៍ដោយក្តីរីករាយ។

ក្នុងពេលនោះ កាសែត Straits Times របស់សិង្ហបុរីបានកត់សម្គាល់ថា វៀតណាម​នឹងបង្ហាញឡើងវិញនូវវគ្គផ្តាច់ព្រ័ត្រឆ្នាំ ២០២៤ ដែលបាន​ជួបជាមួយ​ក្រុម​ជម្រើសជាតិថៃក្នុងវគ្គផ្តាច់ព្រ័ត្រពានរង្វាន់អាស៊ានឆ្នាំ ២០២៦។

ទីភ្នាក់ងារសារព័ត៌មាន Bernama របស់ម៉ាឡេស៊ីបានរាយការណ៍ថា ក្តីស្រមៃនៃការ​ឡើងដល់វគ្គផ្តាច់ព្រ័ត្រ ASEAN Cup ឆ្នាំ២០២៦ របស់ក្រុមជម្រើសជាតិម៉ាឡេស៊ី បានបញ្ចប់បន្ទាប់ពីចុះ​ចាញ់វៀតណាមក្នុង​លទ្ធផល ០-២ ក្នុងតង់ទីពីរនៃវគ្គពាក់កណ្តាលផ្តាច់ព្រ័ត្រនៅពហុកីឡដ្ឋាន My Dinh។ ការបរាជ័យនេះ បានបញ្ចប់ដំណើររបស់ម៉ាឡេស៊ីក្នុងការប្រកួត ខណៈដែលវៀតណាមបានឡើងទៅវគ្គផ្តាច់ព្រ័ត្រដើម្បីបន្តកិច្ចខិតខំប្រឹងប្រែងការពារតំណែងជើងឯក៕