អាមេរិកប្រកាសការផ្តើមគំនិតសន្តិសុខនាវាចរណ៍ថ្មីជាមូយបណ្ដាប្រទេសអាស៊ាន (VNA)
នាថ្ងៃទី ២ ខែតុលា ឆ្នាំ២០១៦ សារព័ត៌មានអាមេរិកបានឲ្យដឹងថា៖ នៅសន្និសីទក្រៅផ្លូវការថ្នាក់រដ្ឋមន្ត្រីការពារជាតិរវាងអាមេរិក-អាស៊ានដែលបានប្រព្រឹត្តទៅ នាចុងសប្តាហ៍កន្លងទៅនៅ Hawaii អាមេរិកបានប្រកាសការផ្តើមគំនិតសន្តិសុខថ្មីជាមួយប្រទេសអាស៊ានទាំងឡាយ។ តាមគេហទំព័រព័ត៌មាន «The Diplomat» រដ្ឋមន្ត្រីការពារជាតិអាមេរិក លោក Ashton Carter បានប្រកាសផែនការនាអនាគតរបស់វិមានបញ្ចកោណជាមួយប្រទេសអាស៊ាននានា។ វ៉ាស៊ីនតោនបានសង្កត់ធ្ងន់ថា៖ សន្និសីទលើកនេះគឺជាភ័ស្តុតាងនៃសារៈសំខាន់របស់អាស៊ានក្នុងយុទ្ធសាស្ត្រ «សា្តរតុល្យភាពឡើងវិញ» នៅតំបន់អាស៊ី-ប៉ាស៊ីហ្វិករបស់រដ្ឋអំណាច ប្រធានាធិបតី Barack Obama ក៏ដូចជា ការបង្កើនកំលាំងយោធាអាមេរិក នៅតំបន់នេះនាពេលខាងមុខ។ តាមផ្តើមគំនិតសន្តិសុខនាវាចរណ៍ថ្មីនេះ អាមេរិកនឹងទទួលរៀបចំព្រឹត្តិការណ៍មួយចំនួនជាមួយអាស៊ានដែលទាក់ទិនដល់ វិស័យនេះ ក្នុងនោះ មានការសន្ទនានាវាចរណ៍អាស៊ាននិងការហ្វឹកហាត់លើកកំពស់ចំណះដឹងអំពីនាវាចរណ៍។
ក្រៅពីនោះ កំលាំងការពារឆ្នេរសមុទ្ររបស់អាមេរិកនឹងបង្កើនកិច្ចសហប្រតិបត្តិការសន្តិសុខនាវាចរណ៍ជាមួយប្រទេស អាស៊ាននានាផងដែរ៕
តាម VOV5 - វិទ្យុសម្លេងវៀតណាម
