កម្មវិធីជួបប្រាស្រ័យវប្បធម៌ ពាណិជ្ជកម្មរវាងវៀតណាម និងជប៉ុនលើកទី ៤ កំពុងប្រព្រឹត្តិទៅនៅទីក្រុង Can Tho និងខេត្តមួយចំនួននៃតំបន់វាលសណ្ដទន្លេ Cuu Long។

គណប្រតិភូសហគ្រាសជប៉ុន (VOV)

ព្រឹត្តិការណ៍នេះទាក់ទាញបានការចូលរួមរបស់អ្នកដំណើរចំនួន ១២០ នាក់ មកពីសហគ្រាសជប៉ុនចំនួន ១០០ អង្គភាព ដើម្បីស្វែងរកឱកាសសហប្រតិបត្តិការវិនិយោគលើវិស័យកសិកម្ម ឧស្សាហកម្ម និង logistics នៃ ទីក្រុង Can Tho និងតំបន់ វាលសណ្ដទន្លេ Cuu Long។ លោក Nguyen Phuong Lam នាយករងទទួលបន្ទុក VCCI Can Tho បានឲ្យដឹងថា៖

"គណៈប្រតិភូសហគ្រាសលើកនេះ រួមមានសហគ្រាសើវិស័យសំណង់ គមនាគមន៍ និងផ្ដល់ប្រឹក្សាយោបល់ហិរញ្ញវត្ថុ។ ពួកគេមកទីនេះដើម្បីស្វែងយល់អំពីទីផ្សារថ្មី។ យើងខ្ញុំបានខិតខំប្រឹងប្រែងដម្បីបង្ហាញឲ្យគេឃើញនូវសក្តានុពលនៃតំបន់វាលសណ្ដទន្លេ Cuu Long ដែលមានចំនួនប្រជាជន ១៧ លាននាក់ផងដែរ។

កម្មវិធីជួបប្រាស្រ័យវប្បធម៌ ពាណិជ្ជកម្មរវាងវៀតណាមនិងជប៉ុនលើកទី ៤ មានស្តង់ទំនិញចំនួន ១២០ ក្នុងនោះមានស្តង់ទំនិញចំនួន ៣០ ដែលឧទ្ទេសនាមអំពីវប្បធម៌របស់វៀតណាមនិងជប៉ុន និងស្តង់ទំនិញពាណិជ្ជកម្មចំនួន ៩០ ដែលឧទ្ទេសនាមអំពីផលិតផលរបស់ប្រទេសទាំងពីរផងដែរ៕

តាម VOV5 - វិទ្យុសម្លេងវៀតណាម