លោក Xi Jinping ជាប់ឆ្នោតជាប្រធានរដ្ឋចិនសារជាថ្មី
នាព្រឹកថ្ងៃទី១៧ ខែមីនា ឆ្នាំ២០១៨ នៅមហាសាលប្រជាជននៅទីក្រុងប៉េកាំងរបស់ចិន សម័យប្រជុំលើកដំបូងនៃមហាសន្និបាតប្រជាជនទាំងមូល (រដ្ឋសភា) ចិននីតិកាលទី១៣ បានផ្ដល់សេចក្ដីទុកចិត្តបោះឆ្នោតជ្រើសរើសលោក Xi Jinping ជាប្រធានរដ្ឋ និងជាប្រធានគណកម្មធិការបក្សយោធាមជ្ឈឹមថែម១អាណត្តិទៀត និងលោក Li Zhan Shu ជាប្រធានរដ្ឋសភានីតិកាលទី១៣។ អាណត្តិទី ២ នេះរបស់លោក Xi Jinping នឹងបញ្ចប់ នាឆ្នាំ ២០២៣ ខាងមុខ។
បន្ទាប់ពីជាប់ឆ្នោត ប្រធានរដ្ឋចិន លោក Xi Jinping និងកម្មាភិបាលដែលទើបនឹងជាប់ឆ្នោត បានធ្វើសច្ចាប្រណិធានស្មោះស្ម័គ្រជាមួយរដ្ឋធម្មនុញ្ញ។ ក៏នាព្រឹកថ្ងៃទី១៧ ខែមីនា ឆ្នាំ២០១៨ ដដែល សម័យប្រជុំលើកដំបូងនៃរដ្ឋសភាចិននីតិកាលទី ១៣ បានអនុម័តលើផែនការកំណែទម្រង់ក្រុមប្រឹក្សារដ្ឋដោយទ្រង់ទ្រាយធំ ដើម្បីពង្រឹងក្បាលម៉ាស៊ីនរដ្ឋាភិបាលឲ្យដំណើរការប្រកបដោយប្រសិទ្ធភាពនិងមានជំនាញវិជ្ជាជីវៈថែមទៀត៕
តាម VOV5 - វិទ្យុសម្លេងវៀតណាម
