ក្រុមពលរដ្ឋវៀតណាមរួមមានកុមារនិងសិស្សានុសិស្សដែលមានអាយុតិចជាង១៨ឆ្នាំ ជនចាស់ជរា អ្នកជំងឺ ភ្ញៀវទេសចរ និងពលករដែលកំពុងជួបការលំបាក។
ក្នុងថ្ងៃទី២ និងទី៣ ខែឧសភា សមត្ថកិច្ចវៀតណាមនិងស្ថានទូតវៀតណាមប្រចាំអេមីរ៉ាតអារ៉ាប់រួម (UAE) និងក្រុមហ៊ុនអាកាសចរណ៍ជាតិវៀតណាម បានសហការជាមួយសមត្ថកិច្ច UAE រៀបចំជើងហោះហើរជូនពលរដ្ឋ វៀតណាមជិត៣០០នាក់វិលត្រឡប់មកប្រទេសវិញ ក្នុងបរិបទដែលជើងហោះហើរពាណិជ្ជកម្ម រវាងវៀតណាមនិងអន្តរជាតិកំពុងត្រូវផ្អាកដោយសារជំងឺ Covid-19។
ក្រុមពលរដ្ឋពោលខាងលើរួមមានកុមារនិងសិស្សានុសិស្សមានអាយុតិចជាង១៨ឆ្នាំ ជនចាស់ជរា អ្នកជំងឺ ភ្ញៀវទេសចរ និងពលករដែលកំពុងជួបការលំបាក។ បន្ទាប់ពីចុះចតនៅព្រលានយន្តហោះ Can Tho មនុស្សទាំងអស់លើជើងហោះហើរនេះត្រូវ បានត្រួតពិនិត្យសុខភាពហើយជូនទៅធ្វើចត្តាឡីស័កតាមបទបញ្ញត្តិ។
នាពេលខាងមុខ សមត្ថកិច្ចវៀតណាម នឹងបន្តសហការជាមួយស្ថាប័នតំណាងវៀតណាមប្រចាំឯបរទេសត្រួតពិនិត្យ និងរៀបចំជើងហោះហើរជូនពលរដ្ឋវៀតណាម ដែលមានស្ថានភាពរស់នៅលំបាកវិលត្រឡប់មកប្រទេសវិញដោយផ្អែកលើបំណងប្រាថ្នារបស់ពលរដ្ឋ និងការវិវត្តន៍ពិតជាក់ស្ដែងនៃជំងឺឆ្លងនៅក្នុងនិងក្រៅប្រទេស៕
តាម VOV5 - វិទ្យុសំឡេងវៀតណាម
