នាព្រឹកថ្ងៃទី២៧ ខែកញ្ញា ឆ្នាំ២០១៧ នៅខាងក្រៅសន្និសីទស្តីពីការអភិវឌ្ឍន៍ប្រកបដោយនិរន្តរភាពវាលសណ្តទន្លេ Cuu Long បន្សាំជាមួយបម្រែបម្រួលអាកាសធាតុ នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc អញ្ជើញជួបសំណេះ សំណាលជាមួយឯកអគ្គរដ្ឋទូតនិងតំណាងអង្គទូតមួយចំនួនប្រចាំនៅវៀតណាម។
នាយករដ្ឋមន្ត្រី លោក Nguyen Xuan Phuc អញ្ជើញជួបសន្ទនាជាមួយឯកអគ្គរដ្ឋទូតស្វីស
ប្រចាំនៅវៀតណាមលោក Pereric Hogberg
នៅក្នុងបណ្តាជំនួបនេះ លោក Nguyen Xuan Phuc បានលើកច្បាស់ថា រដ្ឋាភិបាលវៀតណាម សូមថ្លែងអំណរគុណចំពោះកិច្ចសហប្រតិបត្តិការនិងការជួយឧបត្ថម្ភប្រកបដោយប្រសិទ្ធិភាពរបស់ប្រទេសទាំងអស់នេះ នឹងមានបំណងថា កម្មវិធីជួយឧបត្ថម្ភនេះបានរួមចំណែកសកម្មទៅក្នុងការអភិវឌ្ឍន៍សេដ្ឋកិច្ច សង្គមរបស់វៀត ណាម ជាពិសេសលើវិស័យបណ្តុះបណ្តាលវិជ្ជាជីវៈ ថាមពល ការពារបរិស្ថាននិង ទប់ទល់ជាមួយបម្រែបម្រួលអាកាសធាតុ។ ឈរលើស្មារតីនោះ នាយករដ្ឋមន្ត្រីសុំឲ្យឯកអគ្គរដ្ឋទូតនិងអង្គទូតទាំងអស់នេះនឹងបន្តជួយឧបត្ថម្ភវាលសណ្ត ទន្លេ Cuu Long បង្កើតផែនការអភិវឌ្ឍន៍សមស្របជាមួយប្រៀបខ្លាំងរបស់តំបន់ នីមួយៗ រួមចំណែកទៅក្នុងជោគជ័យរបស់សន្និសីទនិងជម្រុញទំនាក់ទំនងជាមួយប្រទេសនីមួយៗឲ្យកាន់តែជាក់ស្តែងប្រកបដោយប្រសិទ្ធិភាពជាង៕
តាម VOV5 - វិទ្យុសម្លេងវៀតណាម
