ពិធីដាក់ធាតុរបស់លោក Fidel Castro នៅលើរថយន្តកាលពីថ្ងៃទី៣០ វិច្ចិកា (រូបថត៖Xinhua/TTXVN)
នាព្រឹកថ្ងៃទី៣០ ខែវិច្ឆិកា ឆ្នាំ២០១៦ ក្រុមរថយន្តដឹកធាតុរបស់អតីតអគ្គមគ្គុទេសបដិវត្តន៍គុយបាលោក Fidel Castro បានចាប់ផ្ដើមធ្វើដំណើរឆ្លងកាត់ក្នុងទូទាំងប្រទេសក្នុងរយៈពេល ៤ ថ្ងៃ ដើម្បីបញ្ជូនធាតុលោកទៅបញ្ចុះនៅឈាបនដ្ឋាន Santa Ifigenia ទីក្រុង Santiago de Cuba។ ក្រុមរថយន្តដឹកធាតុនេះគ្រោងនឹងធ្វើដំណើរឆ្លងកាត់ខេត្តចំនួន ១៣ របស់គុយបា។ នេះជាដំណើរការដែលសំដៅបង្ហាញឡើងវិញនូវការតស៊ូដណ្ដើមឯករាជ្យមានឈ្មោះ “ដំណើរការសេរីភាព” របស់ក្រុមយុទ្ធជនក្រោកឈរឡើង Sierra Maestra ដឹកនាំដោយអតីតអគ្គមេបញ្ជាការលោក Fidel Castro កាលពីឆ្នាំ១៩៥៩។
មុននោះ នៅទីលានបដិវត្តន៍ រដ្ឋធានី La Habana របស់គុយបាបានប្រព្រឹត្តទៅពិធីមិទ្ទីញរំលឹកវិញ្ញាណក្ខន្ធអតីតប្រធានរដ្ឋលោក Fidel Castro ដោយមានការចូលរួមរបស់ថ្នាក់ដឹកនាំនៃប្រទេសជាច្រើននិងប្រជាជនរាប់លាននាក់នៅទូទាំងប្រទេសផងដែរ៕
តាម VOV5-វិទ្យុសម្លេងវៀតណាម
