យោងតាមឯកអគ្គរដ្ឋទូតអូស្ត្រាលីប្រចាំនៅវៀតណាម លោក Andrew Goledzinowski ដោយប្រធានបទ “ភាពជាដៃគូដើម្បីអនាគត” កិច្ចប្រជុំគឺជាឱកាសសម្រាប់ភាគីទាំងពីរ ពិនិត្យឡើងវិញនូវទំនាក់ទំនងរយៈពេល ៥០ ឆ្នាំកន្លងទៅ និងផ្លាស់ប្តូរវិធានការជំរុញការអភិវឌ្ឍទំនាក់ទំនងជាក់ស្ដែង ប្រកបដោយប្រសិទ្ធភាព ស្របតាមក្របខណ្ឌភាពជាដៃគូយុទ្ធសាស្ត្រគ្រប់ជ្រុងជ្រោយដែលបានបង្កើតឡើងក្នុងឆ្នាំ ២០២១។

បច្ចុប្បន្ន អាស៊ានគឺជាដៃគូពាណិជ្ជកម្មដ៏សំខាន់បំផុតទីពីររបស់អូស្ត្រាលី សូម្បីតែខ្ពស់ជាងកូរ៉េខាងត្បូង ជប៉ុន ឬសហរដ្ឋអាមេរិកក៏ដោយ។ ដូច្នេះហើយ អូស្ត្រាលីមានបំណងចង់ពង្រឹងនិងអភិវឌ្ឍទំនាក់ទំនងជាមួយអាស៊ាន សំដៅពង្រឹងកិច្ចសហប្រតិបត្តិការយុទ្ធសាស្ត្រនិងនយោបាយនៅក្នុងតំបន់។

លោកឯកអគ្គរដ្ឋទូត Andrew Goledzinowski ក៏បានឲ្យដឹងថា ក្នុងអំឡុងកិច្ចប្រជុំកំពូលនេះ នឹងមានសេចក្តីប្រកាសសំខាន់ៗមួយចំនួនស្តីពីកិច្ចសហប្រតិបត្តិការសេដ្ឋកិច្ចនិងព្រឹត្តិការណ៍ខាងក្រៅសំខាន់ៗមួយចំនួន ជុំវិញដំណើរការផ្លាស់ប្តូរថាមពលស្អាត កិច្ចសហប្រតិបត្តិការនាវាចរណ៍ ឬតួនាទីរបស់បណ្តាមេដឹកនាំដែលទើបលេចចេញ។ ទីក្រុង Canberra វាយតម្លៃខ្ពស់ចំពោះខ្លឹមសារនៃកិច្ចពិភាក្សាទាំងនេះ៕