នាព្រឹកថ្ងៃទី ១៥ ខែកញ្ញា ឆ្នាំ២០១៩ នៅទីក្រុង Buon Ma Thuot សមាជិកការិយាល័យនយោបាយ ឧបនាយករដ្ឋមន្រ្តី លោក Vuong Dinh Hue និងថ្នាក់ដឹកនាំក្រសួងនិងស្ថាប័ននានា បានអញ្ជើញជាអធិបតីភាពក្នុងជំនួបធ្វើការជាមួយថ្នាក់ដឹកនាំខេត្ត Dak Lak ស្តីអំពីស្ថានភាពអភិវឌ្ឍន៍សេដ្ឋកិច្ច-សង្គម ព្រមទាំងអនុវត្តន៍នូវសេចក្តីសម្រេចចិត្តនានា របស់មជ្ឈឹមនិងរដ្ឋាភិបាល ស្តីពីការកសាងជនបទថ្មី។
ឧបនាយករដ្ឋមន្ត្រី លោក Vuong Dinh Hue អញ្ជើញថ្លែងក្នុងពិធី
ថ្លែងមតិនៅឯកិច្ចប្រជុំ ឧបនាយករដ្ឋមន្ត្រី លោក Vuong Dinh Hue បានចាត់ទុកថា ការដែល Dak Lak បំពេញល្អនូវការផ្លាស់ប្តូរថ្មី និងលើកកម្ពស់ប្រសិទ្ធភាពរបស់ក្រុមហ៊ុនកសិកម្ម រុក្ខកម្មនោះ គឺមានអត្ថន័យសម្រាប់ប្រទេសជាតិទាំងមូល។ ដោយពិនិត្យឃើញថា ផ្ទៃដីរបស់ក្រុមហ៊ុនកសិ - ឧស្សាហកម្មនៅតំបន់នេះនៅតែមានចំនួនខ្ពស់ដដែលស្មើនឹង ៨២,៦% លោកឧបនាយករដ្ឋមន្ត្រីបានស្នើឱ្យខេត្ត បន្តពិនិត្យចំនួននេះ និងជំរុញការចេញផែនការប្រើប្រាស់ដីកសិកម្ម ព្រៃឈើ ត្រូវបានប្រមូលផ្តុំឡើងវិញនោះ ដើម្បីផ្តល់ដីលំនៅដ្ឋាននិងផលិតភាពដល់ប្រជាជន។
ទាក់ទិននឹងទិសដៅអភិវឌ្ឍន៍របស់ខេត្ត Dak Lak នាពេលខាងមុខ ឧបនាយករដ្ឋមន្ត្រី លោក Vuong Dinh Hue បានមានប្រសាសន៍ថា Dak Lak ជា “តំបន់យុទ្ធសាស្រ្ត” ហើយត្រូវក្លាយជាមជ្ឈមណ្ឌលនៃតំបន់ Tay Nguyen ដោយផ្អែកលើភាពខ្លាំងរបស់ខ្លួនក្នុងផលិតកម្មកសិកម្ម ព្រមទាំងផ្សាភ្ជាប់នឹងឧស្សាហកម្មកែច្នៃ ទេសចរណ៍និងអភិរក្សវប្បធម៌ប្រពៃណីផងដែរ៕
តាម VOV5 - វិទ្យុសម្លេងវៀតណាម
