ព័ត៌មាន
ឧបនាយករដ្ឋមន្ត្រី វៀតណាមលោក Pham Binh Minh ជួបពិភាក្សាការងារជាមួយរដ្ឋមន្ត្រីការបរទេសជប៉ុន
ឧបនាយករដ្ឋមន្ត្រី និងជារដ្ឋមន្ត្រីការបរទេសវៀតណាម
លោក Pham Binh Minh ជួបពិភាក្សាការងារជាមួយ រដ្ឋមន្ត្រីការបរទេសជប៉ុន លោក Taro Kono
ភាគីទាំងពីរបានឯកភាពបង្កើន កិច្ចសហការរវាងក្រសួងការបរទេស នៃប្រទេសទាំងពីរ ដើម្បីរៀបចំប្រកបដោយជោគជ័យរាល់សកម្មភាព រំលឹកខួបអនុស្សាវរីយ៍លើកទី ៤៥ ទិវាបង្កើតទំនាក់ទំនងនាឆ្នាំ ២០១៨។
ក្នុងឱកាសអមដំណើរប្រធានរដ្ឋវៀតណាម លោក Tran Dai Quang ទៅបំពេញដំណើរទស្សនកិច្ចជាផ្លូវរដ្ឋនៅជប៉ុននោះ នាថ្ងៃទី៣០ ខែឧសភា ឆ្នាំ២០១៨ នៅទីស្ដីការក្រសួងការបរទេសជប៉ុន ឧបនាយករដ្ឋមន្ត្រី និងជារដ្ឋមន្ត្រីការបរទេសវៀតណាមលោក Pham Binh Minh បានជួបពិភាក្សាការងារជាមួយ រដ្ឋមន្ត្រីការបរទេសជប៉ុន លោក Taro Kono។ នៅក្នុងជំនួបនេះ ភាគីទាំងពីរបានឯកភាពបង្កើនកិច្ចសហការរវាងក្រសួងការបរទេសនៃប្រទេសទាំងពីរ ដើម្បីរៀបចំប្រកបដោយជោគជ័យរាល់សកម្មភាពរំលឹកខួបអនុស្សាវរីយ៍លើកទី ៤៥ ទិវាបង្កើតទំនាក់ទំនងនាឆ្នាំ ២០១៨។ ភាគីទាំងពីរក៏បានពិភាក្សាអំពីបញ្ហាអន្តរជាតិ និងតំបន់ ក្នុងនោះមានបញ្ហាសមុទ្រខាងកើត។ ភាគីទាំងពីរបានឯកភាពបង្កើនកិច្ចសហការនៅក្នុងវេទិកា នៃអង្គការសហប្រជាជាតិ APEC និងសន្និសីទអាស៊ាននានា។ រីឯខ្លួនវិញ លោក Taro Kono បានវាយតំលៃខ្ពស់ចំពោះការរៀបចំប្រកបដោយជោគជ័យឆ្នាំ APEC២០១៧ ហើយថ្លែងអំណរគុណចំពោះកិច្ចសហការយ៉ាងជិតស្និទ្ធិ និងសកម្មរបស់វៀតណាមក្នុងការចុះហត្ថលេខាលើកិច្ចព្រមព្រៀងលើគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរបាស៊ីហ្វិក (CPTPP)។ រីឯខ្លួនវិញ លោក Pham Binh Minh បានអះអាងថា៖ នឹងសហការយ៉ាងជិតស្និទ្ធជាមួយជប៉ុន ក្នុងតួនាទីជាអ្នកសម្របសម្រួលទំនាក់ទំនងអាស៊ាន - ជប៉ុន (២០១៨ - ២០២១ ) ដើម្បីជំរុញកិច្ចសហប្រតិបត្តិការរវាងអាស៊ាន និងជប៉ុនប្រកបដោយប្រសិទ្ធភាពជាក់ស្ដែងផងដែរ៕
តាម VOV5 - វិទ្យុសំឡេងវៀតណាម
