យោងតាមសាស្ត្រាចារ្យ Prabir De ក្នុងបរិបទនៃស្ថានការណ៍ពិភពលោកដ៏ស្មុគស្មាញ ដំណើរទស្សនកិច្ចរបស់លោកនាយករដ្ឋមន្ត្រី ហ្វាមមិញ ជិញ នៅឥណ្ឌា នាំមកនូវអត្ថន័យវិជ្ជមានជាច្រើន។ សាស្ត្រាចារ្យ Prabir De បានវាយតម្លៃថា វៀតណាមជាសមាជិកសំខាន់មួយនៃសមាគមប្រជាជាតិអាស៊ីអាគ្នេយ៍ (អាស៊ាន) ព្រមទាំងជាកម្លាំងជំរុញមួយសម្រាប់សមាហរណកម្មអាស៊ាន។ ឥណ្ឌានិងអាស៊ានបានបង្កើនទំនាក់ទំនងទៅជាភាពជាដៃគូយុទ្ធសាស្ត្រគ្រប់ជ្រុងជ្រោយ។ ដូច្នេះ ដំណើរទស្សនកិច្ចលើកនេះរបស់នាយករដ្ឋមន្ត្រី លោកហ្វាម មិញ ជិញ ក៏មានសារៈសំខាន់ខ្លាំងណាស់ សម្រាប់ទំនាក់ទំនងអាស៊ានជាមួយឥណ្ឌា។
ទាក់ទិននឹងសក្ដានុពលនៃកិច្ចសហប្រតិបត្តិការទ្វេភាគី សាស្ត្រាចារ្យ Prabir De បានឲ្យដឹងថា៖ ឥណ្ឌា និងវៀតណាមជាដៃគូដែលអាចជឿទុកចិត្តបាន ហើយពាណិជ្ជកម្មទ្វេភាគីបានលើសពី ១៥ ពាន់លានដុល្លារក្នុងរយៈពេលប៉ុន្មានឆ្នាំកន្លងមកនេះ។ សាស្ត្រាចារ្យ Prabir De បានស្នើប្រទេសទាំងពីរអាចពង្រឹងទំនាក់ទំនងពាណិជ្ជកម្ម តាមរយៈកិច្ចព្រមព្រៀងសេរីសាកល្បងមួយដែរ៕
