អាស៊ានពេញចិត្តចំពោះបណ្ដាសមិទ្ធិផលសំខាន់របស់វប្បធម៌ សង្គម
សន្និសីទសម្របសម្រួលសហគមន៍វប្បធម៌ សង្គមអាស៊ាន (SOC-COM) លើកទី១១ បានប្រព្រឹត្តទៅចាប់ពីថ្ងៃទី២៩ដល់ថ្ងៃទី៣០ខែមិនា ឆ្នាំ២០១៦ នៅទីក្រុង Jakata (ឥណ្ឌូនេស៊ី) ដោយមានការចូលរួមរបស់ដំណាងស្ថាប័នជំនាញ និងអង្គការចំនួន៤៨។ ឯកអគ្គរដ្ឋទូតវៀតណាម Nguyen Hoanh Nam ប្រធានគណៈប្រតិភូវៀតណាមប្រចាំនៅអាស៊ាន បានអញ្ជើញចូលរួមសន្និសីទលើកនេះ។
ថ្លែងមតិនៅទីនេះ អគ្គលេខាធិការអាស៊ាន លោក Le Luong Minh បានស្នើអោយបណ្ដាស្ថាប័នអាស៊ាន ក៏ដូចជាអង្គការទាក់ទិននានា ត្រូវសកម្មរួមសហការជាមួយគ្នា ដើម្បីធានាការអនុវត្តគ្រប់គ្រាន់ ព្រមៗគ្នា និងប្រសិទ្ធិភាពបណ្ដាសកម្មភាព នៃផែនការមេស្ដីអំពីការកសាងសហគមន៍វប្បធម៌ សង្គមអាស៊ាន (ASCC) ។
ស្ដីអំពីទិសដៅនាពេលខាងមុខនេះ សន្និសីទបានពិភាក្សាអំពីការផ្តើមគំនិត និងវិធានការកែទម្រង់ផែនការមេ ASCC ២០២៥ ដែលក្នុងនោះផ្តល់អាទិភាពចំពោះបណ្ដាវិស័យ និងសកម្មភាពជះឥទ្ធិពលទូលំទូលាយ និងផ្លាស់ប្តូរថ្មីរបៀបប្រមូលផ្តុំកម្លាំង៕
តាម VOV5 - វិទ្យុសម្លេងវៀតណាម
