ភាគីទាំងពីរបានឯកភាពគ្នា បន្តពង្រឹងកិច្ចសហប្រតិបត្តិការលើវិស័យដែលបានយកចិត្តទុកដាក់ដូចគ្នា ដូចជាពាណិជ្ជកម្មនិងវិនិយោគ ទេសចរណ៍ ការគ្រប់គ្រងគ្រោះមហន្តរាយ សុខាភិបាល ជំនួយមនុស្សធម៌ ការអភិវឌ្ឍន៍ប្រកបដោយចីរភាព និងទីក្រុងឆ្លាតវៃ សន្តិសុខបណ្តាញអ៊ីនធឺណែត ការតភ្ជាប់និងជំនួបប្រាស្រ័យរវាងប្រជាជននិងប្រជាជន ក៏ដូចជាការស្តារឡើងវិញក្នុងតំបន់បន្ទាប់ពីជំងឺរាតត្បាត កូវីដ-១៩ ត្រូវបានគ្រប់គ្រង; ជំរុញកិច្ចសហប្រតិបត្តិការសេដ្ឋកិច្ចបន្ថែមទៀត រួមទាំងការអនុវត្តកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP)។

ដោយបានផ្លាស់ប្តូរយោបល់ស្តីពីការវិវឌ្ឍនៅអាស៊ាននិងជប៉ុន ក៏ដូចជាបញ្ហាដែលសហគមន៍អន្តរជាតិនិងតំបន់មានការយកចិត្តទុកដាក់ដូចគ្នា ប្រទេសជប៉ុនបានអះអាងសារជាថ្មីអំពីការគាំទ្ររបស់ខ្លួនលើចក្ខុវិស័យរបស់អាស៊ានចំពោះតំបន់មហាសមុទ្រឥណ្ឌា - ប៉ាស៊ីហ្វិក (AOIP)។ ភាគីទាំងពីរក៏បានយល់ព្រម ពង្រឹងកិច្ចសហប្រតិបត្តិការជាក់ស្តែងអាស៊ាន-ជប៉ុនលើវិស័យចំនួនបួនដែលបានចែងនៅក្នុង AOIP ស្របតាមសេចក្តីថ្លែងការណ៍រួមអាស៊ាន-ជប៉ុន ស្តីពីកិច្ចសហប្រតិបត្តិការ AOIP ដែលត្រូវបានថ្នាក់ដឹកនៃភាគីទាំងពីរអនុម័តកាលពីឆ្នាំ ២០២០៕