នេះក៏ជាលើកទីមួយហើយ ដែលគណៈប្រតិភូអាជីវកម្មអាមេរិកធំៗ បានមកវៀតណាម ចាប់តាំងពីវៀតណាម និងអាមេរិកបានបង្កើតទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយ (ខែកញ្ញា ឆ្នាំ២០២៣)មក។
គណៈប្រតិភូធុរកិច្ចរបស់អាមេរិករួមមានក្រុមហ៊ុនចំនួន ៥០ ដែលប្រតិបត្តិការលើវិស័យជាច្រើនដូចជា៖ បច្ចេកវិទ្យា ថាមពល អាកាសចរណ៍និងការពារជាតិ ផលិតកម្ម កសិកម្មនិងម្ហូបអាហារ សេវាហិរញ្ញវត្ថុ ការថែទាំសុខភាព មូលនិធិវិនិយោគ រួមជាមួយនឹងវិស័យជាច្រើនទៀត។ យោងតាមលោកស្រី Sarah Morgenthau តំណាងពិសេសទទួលបន្ទុកពាណិជ្ជកម្ម និងធុរកិច្ច ក្រសួងការបរទេសអាមេរិកបានឲ្យដឹថា គណៈប្រតិភូធុរកិច្ចដ៏ធំមកស្វែងយល់ទីផ្សារវៀតណាមនាពេលនេះ បានបង្ហាញពីការយកចិត្តទុកដាក់របស់ធុរកិច្ចអាមេរិកសម្រាប់វៀតណាម។
លោក Ted Osius អតីតឯកអគ្គរដ្ឋទូតអាមេរិកប្រចាំនៅវៀតណាម និងបច្ចុប្បន្នជាប្រធានក្រុមប្រឹក្សាធុរកិច្ចអាមេរិក - អាស៊ាន(USABC) បានចាត់ទុកថា ឆ្នាំ២០២៣បានមើលឃើញពីជោគជ័យយ៉ាងខ្លាំងក្លារបស់វៀតណាមក្នុងការទាក់ទាញទុន FDI និងកំណែទម្រង់គោលនុយោបាយសេដ្ឋកិច្ច-ពាណិជ្ជកម្ម ទាំងនេះគឺជាកត្តាដែលទាក់ទាញអាជីវកម្មអាមេរិក៕
